top of page
Bai (150 x 150 px) (100 x 100 px).png

Wembanyama Nakapuntos og 29 sa Tulo ka Quarter sa Kadaugan sa Spurs Batok sa Blazers

Nakapuntos si Victor Wembanyama og 29 points ug nakakuha og pito ka rebounds sa unang tulo ka quarter sa duwa aron tabangan ang San Antonio Spurs nga pildihon ang Portland Trail Blazers, 125-103, niadtong Sabado sa gabii sa home court sa Portland. Kini ang ikawalong sunodsunod nga kadaugan sa Spurs, samtang wala na gipaduwa si Wembanyama sa ikaupat nga quarter.

FIELD LEVEL MEDIA / Reuters; Gihubad ni Alex Destor / Ato ni Bai

November 9, 2026 at 9:36:10 AM

Nov 6, 2026; Sacramento, California, USA; San Antonio Spurs center Victor Wembanyama (1) holds onto the ball against the Sacramento Kings in the second quarter at Golden 1 Center.

Reuters / Cary Edmondson / Imagn Images

Nakapuntos si Victor Wembanyama og 29 points ug nakakuha og pito ka rebounds sa unang tulo ka quarter sa duwa aron tabangan ang San Antonio Spurs nga pildihon ang Portland Trail Blazers, 125-103, niadtong Sabado sa gabii sa home court sa Portland. Kini ang ikawalong sunodsunod nga kadaugan sa Spurs, samtang wala na gipaduwa si Wembanyama sa ikaupat nga quarter.


Midugang si Devin Vassell og 15 points, samtang nakatampo si Stephon Castle og 14 points, pito ka rebounds, ug lima ka assists alang sa Spurs. Nakapuntos usab ang reserbang si Julian Champagnie og 14 points, samtang si Dylan Harper nakahimo og 13 points ug pito ka rebounds.


Nanguna si Deni Avdija sa Portland nga adunay 15 points, samtang nakapuntos si Scoot Henderson og 13 points sa ikaduhang sunodsunod nga kapildihan sa Trail Blazers. Nakatampo si Damian Lillard og 12 points ug pito ka assists, samtang si Yang Hansen nakahimo og 12 points ug 10 rebounds gikan sa bench alang sa iyang unang career double-double. Ang mga reserbang sila si Jrue Holiday ug Chris Youngblood nakapuntos usab og 11 points matag usa.


Nakatala ang Spurs og 44.4% shooting gikan sa field, lakip ang 17 sa 44 ka three-point attempts o 38.6%. Nakapuntos si Keldon Johnson og 10 points ug pito ka rebounds gikan sa bench, samtang nakahimo si Champagnie og upat ka three-pointer.


Gilabwan sa San Antonio ang Portland sa rebounds, 51-38, ug nasulod ang 28 sa 30 ka free-throw attempts. Miabot sa 35 points ang labing dakong labaw sa Spurs, nga wala gayod maapsan sa Portland sa tibuok duwa.


Nakatala ang Portland og 41.7% shooting gikan sa field, apan siyam lamang sa 35 ka three-point attempts o 25.7% ang ilang nasulod.


Nanguna ang San Antonio og 15 points sa halftime sa wala pa kini nakapuntos og 45 points sa ikatulong quarter pinaagi sa 18 sa 27 ka field-goal attempts o 66.7% shooting.


Nakapuntos si Wembanyama og 13 points sa maong quarter, lakip ang usa ka tip-in ug three-pointer sa iyang kaugalingong 5-0 run nga nagpadako sa labaw ngadto sa 84-59. Miabot sa 30 points ang labaw human sa basket ni Harper sa nahibiling 4:14 sa ikatulong quarter.


Nanguna ang Spurs, 109-76, sa pagsugod sa ikaupat nga quarter ug nagpadayon sa ilang dakong labaw hangtod matapos ang duwa bisan wala na gipaduwa ang tanan nilang starters.


Nakasulod ang Spurs og 20 sa 21 ka free throws sa unang bahin sa duwa aron manguna, 64-49, sa halftime. Nakapuntos si Wembanyama og 16 points alang sa San Antonio, samtang si Avdija adunay 10 points alang sa Portland sa maong bahin.


Nanguna ang Spurs, 22-20, human sa unang quarter sa wala pa sila nakahimo og pito ka three-pointer ug nakasulod og 17 sa 18 ka free throws aron makapuntos og 42 points sa ikaduhang quarter. Nasulod ni Champagnie ang tanan niyang tulo ka three-point attempts sa maong quarter. -FIELD LEVEL MEDIA / Reuters; Gihubad ni Alex Destor / Ato ni Bai

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page