top of page
Bai (150 x 150 px) (100 x 100 px).png

Ellen Adarna Nakadani sa Netizens sa Iyang Chinese-Inspired Photo Shoot

Nakadani sa atensyon sa mga netizen si Ellen Adarna human niya ipaambit ang mga litrato nga nagsul-ob siya og tradisyonal nga Chinese-inspired nga mga sinina atol sa iyang bag-ohay nga pagbisita sa China.

Kim Asis / Paraluman News; Gihubad ni Herli Mae Virador / Ato ni Bai

November 19, 2026 at 8:46:41 AM

Ellen Adarna nga nagsul-ob og puti ug asul nga Chinese costume samtang nagkupot og hinagiban sa usa ka action scene.

Gipasiugda ni Adarna nga ang mga hulagway dili AI-generated ug wala gi-edit, kay iya mismong gihangyo ang studio nga dili kini usbon.

Instagram account ni Ellen Adarna

Nakadani sa atensyon sa mga netizen si Ellen Adarna human niya ipaambit ang mga litrato nga nagsul-ob siya og tradisyonal nga Chinese-inspired nga mga sinina atol sa iyang bag-ohay nga pagbisita sa China.


Nag-upload ang 38-anyos nga aktres og upat ka carousel posts nga nagpakita kaniya sa lain-laing tradisyonal nga sinina sa China. Daling nakakuha og atensyon ang mga litrato gikan sa mga netizen ug kaubang celebrities, lakip sila Coleen Garcia-Crawford, Arci Muñoz, Jessy Mendiola ug Denise Laurel.


Usa ka fan ang mikomento, “Grabe, tinupad mo ang C-drama dreams namin.”


Gibutyag ni Adarna nga gigamit sa mga Chinese makeup artist ang popular nga teknik nga gitawag og Douyin makeup aron mausab ang iyang hitsura ug makab-ot ang iyang gusto nga estilo.


“The power of Douyin makeup. Who needs AI when Chinese makeup artists can transform your entire face and hair in under 30 minutes?! I watched them work their magic, and I’m still shook! I LOVE CHINA,” iyang gisulat.


Gipasiugda niya nga ang mga litrato dili hinimo sa AI ug wala usab gi-retouch, tungod kay espesipiko niyang gihangyo ang studio nga dili usbon ang mga litrato.


“And no, this NOT AI! These are actually raw unedited files because I specifically asked them not to retouch my photos. The makeup alone made me look like a completely different person. No need for a second transformation.”


Sa laing post, binuang nga gihulagway ni Adarna ang iyang kaugalingon nga daw natuman ang iyang “Xianxia fantasy,” nga nagtumong sa usa ka matang sa pantasya nga kasagarang makita sa mga Chinese drama.


Gawas sa iyang Chinese-inspired photo shoot, misulay usab si Adarna og ubang mga sikat nga kalihokan sa China, lakip ang viral nga Chongqing motorbike photo shoot.


Gipaambit usab kaniadto ni Adarna ang iyang pagkahilig sa Chinese dramas (C-dramas), diin nagkomedya siya nga mas gusto niyang motan-aw niini kaysa makig-date ug nga ang iyang kaugalingong kinabuhi sa gugma susama sa istorya sa usa ka C-drama.


-Kim Asis / Paraluman News; Gihubad ni Herli Mae Virador / Ato ni Bai

bottom of page