top of page
Bai (150 x 150 px) (100 x 100 px).png

Jeremiah Fears Nahimong Pinakabatang Pelicans Player nga Nakarekord og Triple-Double

Nakatala si Jeremiah Fears sa iyang unang career triple-double samtang gibawian sa New Orleans Pelicans ang Golden State Warriors sa ilang dakong kapildihan sa San Francisco niadtong miaging semana, human modaog og 115-94 batok sa bisitang Warriors niadtong Lunes.

Field Level Media; Gihubad ni Herli Mae Virador / Ato ni Bai

November 19, 2026 at 7:31:15 AM

Nobyembre 16, 2026; New Orleans, Louisiana, USA; Reaksyon ni New Orleans Pelicans guard Jeremiah Fears (0) human makashoot batok sa Golden State Warriors atol sa ikaduhang katunga sa duwa sa Smoothie King Center.

Reuters / Stephen Lew / Imagn Images

Nakatala si Jeremiah Fears sa iyang unang career triple-double samtang gibawian sa New Orleans Pelicans ang Golden State Warriors sa ilang dakong kapildihan sa San Francisco niadtong miaging semana, human modaog og 115-94 batok sa bisitang Warriors niadtong Lunes.


Nakaiskor si Saddiq Bey og 10 sa iyang team-high nga 23 puntos atol sa 23-2 nga pagsugod sa Pelicans, nga napildi sa unom ka sunodsunod nga duwa, lakip ang unang tulo sa ilang lima ka sunodsunod nga duwa sa kaugalingong korte.


Nakahuman si Fears nga adunay 19 puntos, 10 rebounds ug 10 assists alang sa unang triple-double sa iyang 97 ka duwa sa NBA. Sa edad nga 20 anyos ug usa ka bulan, nahimo siyang pinakabatang magdudula sa Pelicans nga nakatala og triple-double, nga milabaw sa rekord ni Chris Paul niadtong Abril 2006 sa dihang hapit na kini mag-21 anyos.


Nakatala ang rookie nga si Yaxel Lendeborg og 28 puntos ug walo ka rebounds alang sa Warriors, nga nakasinati sa ilang ikatulong sunodsunod nga kapildihan.


Magic 115, Celtics 105


Nakatala si Desmond Bane og 24 puntos, walo ka rebounds ug lima ka assists aron tabangan ang Orlando nga modaog sa Boston ug tapuson ang unom ka sunodsunod nga kadaugan sa Celtics.


Midugang si Franz Wagner og 21 puntos, walo ka rebounds ug siyam ka assists alang sa Magic, nga nakadaog sa upat ka sunodsunod nga duwa. Nakaiskor si Wagner og labing menos 30 puntos sa matag usa sa iyang miaging upat ka duwa. Midugang usab si Anthony Black og 20 puntos alang sa Orlando.


Nakatala si Jayson Tatum og 24 puntos ug 12 rebounds alang sa Boston. Midugang si Paul George og 22 puntos ug walo ka rebounds, samtang si Payton Pritchard adunay 21 puntos ug lima ka assists. Wala makaduwa si Neemias Queta tungod sa pagpahulay.


Grizzlies 136, Wizards 120


Nakatala si Cameron Boozer og career-high nga 29 puntos ug midugang si Zach Edey og season-best nga 23 puntos samtang gipildi sa Memphis ang host nga Washington.


Nakasulod si Boozer og pito sa iyang 13 ka three-point attempts, samtang si Edey, nga mibalik gikan sa injury sa buolbuol, nakakuha usab og 10 rebounds. Gikontrol sa Grizzlies ang duwa pinaagi sa ilang 42-18 nga pagdominar sa ikatulong quarter ug nakatala sa ikapitong sunodsunod nga kadaugan sa gawas sa ilang korte sukad nagsugod ang season.


Nakaiskor si Anthony Davis og 23 puntos alang sa Wizards, nga nakasinati sa ilang ikawalong sunodsunod nga kapildihan. Midugang ang rookie ug No. 1 overall pick nga si AJ Dybantsa og 21 puntos.


Cavaliers 126, Bulls 115


Nakaiskor si Donovan Mitchell og 30 sa iyang season-high nga 39 puntos sa ikaduhang bahin sa duwa, samtang nakatala si Jarrett Allen og 13 puntos ug 14 rebounds aron pangulohan ang Cleveland sa kadaugan batok sa bisitang Chicago.


Nakatala si Tyrese Proctor og 17 puntos, samtang midugang si James Harden og siyam ka puntos ug 10 assists alang sa Cleveland, nga misaka sa 6-2 ang rekord sa kaugalingong korte ug mibalik sa labaw sa .500 nga winning percentage. Nakaiskor si Peyton Watson og 14 puntos sa wala pa mogawas sa duwa human sa pagbanggaay sa kahanginan uban sa Bulls center nga si Jalen Smith.


Nakaiskor si Norman Powell og 13 sa iyang 27 puntos sa ikaupat nga quarter, samtang midugang si Matas Buzelis og 23 puntos alang sa Bulls. Nakatala si Smith og 17 puntos ug 11 rebounds alang sa iyang ikaupat nga double-double karong season.


Heat 128, Rockets 110


Wala maka puntos si Giannis Antetokounmpo sa unang quarter apan nakahuman gihapon og 20 puntos, 13 rebounds ug unom ka assists samtang nakatala ang host nga Miami sa ilang ikalimang sunodsunod nga kadaugan human pildihon ang Houston.


Wala gayod malabwan sa puntos ang Heat sa tibuok duwa ug nakadaog sa ikawalong higayon sa ilang miaging 10 ka duwa, human magsugod sa season nga adunay 0-4 nga rekord.


Walo ka magdudula sa Miami ang nakaiskor og doble-digit nga puntos, lakip si Davion Mitchell nga nakatala og 16 puntos ug 10 assists.


Gipangulohan ni Alperen Sengun ang Rockets pinaagi sa 23 puntos ug pito ka rebounds, apan natapos ang ilang upat ka sunodsunod nga kadaugan. Midugang si Kevin Durant og 22 puntos.


76ers 135, Nets 123


Nakatala si Joel Embiid og season-high nga 37 puntos, samtang midugang si Jaylen Brown og 31 puntos ug season-best nga 13 rebounds aron pangulohan ang Philadelphia sa kadaugan batok sa Brooklyn sa New York.


Nakadaog ang 76ers sa ika-12 nga higayon sa ilang 15 ka duwa, nga miparehas sa ilang labing maayong pagsugod sukad sa 2000-01 season. Wala makaduwa si LeBron James human niya malabwan si Jason Kidd alang sa ikatulong puwesto sa listahan sa labing daghang assists sa kasaysayan sa NBA atol sa kadaugan batok sa Indiana Pacers niadtong Domingo.


Nakatala si Julius Randle og 33 puntos ug midugang si Michael Porter Jr. og 25 puntos samtang napildi ang Nets sa ikaupat nga higayon sa ilang miaging lima ka duwa. Midugang usab si Nolan Traore og 23 puntos.


Suns 117, Nuggets 105


Nakaiskor si Devin Booker og 20 puntos isip usa sa pito ka magdudula sa Phoenix nga nakatala og doble-digit nga puntos samtang gipildi sa Suns ang Denver sa kaugalingong korte niini.


Nakatala sila Jalen Green ug Miles Bridges og 16 puntos matag usa, samtang si Dillon Brooks adunay 15 puntos ug si Luke Kennard midugang og 12 puntos alang sa Suns, nga nakakuha sa ilang unang kadaugan sa gawas sa kaugalingong korte karong season human sa upat ka pagsulay.


Nakatala si Nikola Jokic og 28 puntos ug 15 rebounds, samtang nakaiskor si Jamal Murray og 18 sa iyang 28 puntos sa ikaupat nga quarter alang sa Nuggets, nga napildi sa tulo sa ilang miaging upat ka duwa sa kaugalingong korte.


Timberwolves 106, Trail Blazers 98


Nakatala si Terrence Shannon Jr. og 34 puntos pinaagi sa walo ka nasulod nga tira sa 11 ka pagsulay gikan sa field ug 15 ka nasulod nga free throws sa 16 ka pagsulay samtang gipadayon sa Minnesota ang ilang bentaha aron modaog batok sa Portland sa Minneapolis.


Nakahuman si Rudy Gobert og 18 puntos ug 15 rebounds alang sa Timberwolves, nga nakakuha sa ilang ikaunom nga kadaugan sa pito ka duwa.


Nakaiskor si Deni Avdija og 27 puntos pinaagi sa 11 ka nasulod nga tira sa 19 ka pagsulay aron pangulohan ang Trail Blazers, apan natapos ang ilang tulo ka sunodsunod nga kadaugan. Mag-atubang pag-usab ang duha ka koponan sa Martes sa Minneapolis.

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page