Harry Styles, Cher ug Billie Eilish Manguna sa Glastonbury Festival sa 2027
Manguna sila Harry Styles, Sam Fender, Billie Eilish ug Cher sa Glastonbury Festival sa Britanya sa sunod tuig, matod sa mga organizer sa ilang website niadtong Miyerkules, samtang mobalik ang sold-out nga festival human sa usa ka tuig nga pagpahulay niadtong 2026.
Sarah Young; Gihubad ni Herli Mae Virador / Ato ni Bai
November 19, 2026 at 8:54:43 AM
Ang British singer nga si Harry Styles, nga bag-ohay lang nahuman sa iyang 30 ka shows sa Madison Square Garden sa New York, unang higayon nga motukar sa festival, samtang ang 81-anyos nga si Cher maoy mopasundayag sa legends slot.
Facebook account ni Harry Styles
Manguna sila Harry Styles, Sam Fender, Billie Eilish ug Cher sa Glastonbury Festival sa Britanya sa sunod tuig, matod sa mga organizer sa ilang website niadtong Miyerkules, samtang mobalik ang sold-out nga festival human sa usa ka tuig nga pagpahulay niadtong 2026.
Unang higayon nga motukar sa festival ang British singer nga si Harry Styles, nga bag-ohay lang nakahuman og 30 ka shows sa Madison Square Garden sa New York, samtang si Cher ang mopasundayag sa legends slot sa edad nga 81 anyos.
Ikaduhang higayon na kini nga manguna ang US star nga si Eilish sa maong kalihokan, nga gihimo sa Worthy Farm sa habagatan-kasadpang England sukad niadtong 1970, human sa iyang unang pagpasundayag niadtong 2022. Samtang ang British singer nga si Fender unang higayon usab nga makakuha sa usa sa labing gitinguhang pangunang puwesto sa festival.
Nahurot ang mga tiket sa Glastonbury bisan wala pa ipahibalo ang mga mangunang performer. Nahurot ang mga tiket sulod lamang sa 42 minutos niadtong miaging bulan.
Wala gihimo ang festival niadtong 2026, nga gitawag og fallow year o tuig sa pagpahulay. Matag lima ka tuig o kapin-kulang niini, kinahanglan hatagan og panahon ang kasagbotan sa umahan nga makabawi gikan sa epekto sa kapin sa 200,000 ka tawo nga motambong sa kalihokan matag Hunyo.
Lakip usab sila Massive Attack, Chase & Status, the XX ug Lily Allen sa ubang mga artistang mopasundayag sa festival.
-Sarah Young; Gihubad ni Herli Mae Virador / Ato ni Bai
%20(100%20x%20100%20px).png)
