top of page
Bai (150 x 150 px) (100 x 100 px).png

Kanhing World Boxing Champion Jorge Linares Gidetenir sa ICE sa US

Mipahibalo ang kanhing Venezuelan world boxing champion nga si Jorge Linares nga anaa siya sa kustodiya sa US Immigration and Customs Enforcement (ICE) human gidetenir niadtong Domingo sa El Paso, Texas.

Aadi Nair / Reuters; Gihubad ni Herli Mae Virador / Ato ni Bai

November 19, 2026 at 7:11:32 AM

FILE PHOTO: Jorge Linares during a press conference in London, Britain - July 12, 2017.

Reuters / Adam Holt / File Photo

Mipahibalo ang kanhing Venezuelan world boxing champion nga si Jorge Linares nga anaa siya sa kustodiya sa US Immigration and Customs Enforcement (ICE) human gidetenir niadtong Domingo sa El Paso, Texas.


Nakadaog si Linares sa 47 sa iyang 56 ka away sulod sa hapit 21 ka tuig nga propesyonal nga karera sa boxing. Nahimo siyang kampeon sa lightweight, featherweight ug super featherweight nga mga dibisyon sa wala pa miretiro niadtong 2023.


Mitaho ang CNN nga gidakop si Linares sa El Paso International Airport.


"I'm being held by ICE in El Paso, Texas. What a crazy situation," matod ni Linares sa iyang post sa X niadtong Domingo.


Gikumpirma sa mga representante sa 41-anyos nga boksingero gikan sa law firm nga Wilner & O’Reilly pinaagi sa usa ka pahayag niadtong Martes nga gidetenir siya.


"Mr. Linares is authorized to be in the United States and he has cooperated fully with immigration authorities," dugang nila.


"We are in communication with ICE and are working to resolve this matter as quickly as possible.


"Immigration matters follow established procedures, and those procedures take time. We are confident in Mr. Linares's position and ask his fans, the press and the public for patience in the meantime."


Wala dayon makatubag ang US Immigration and Customs Enforcement sa hangyo nga maghatag og komento.


Sa usa ka pahayag ngadto sa CNN, matod sa US Immigration and Customs Enforcement, misulod si Linares sa US gamit ang permit alang sa temporaryong pagpuyo ug "remained in the country beyond the authorized period".


Gidugang sa ahensya nga magpabilin siya sa kustodiya samtang nagpadayon ang proseso sa iyang posibleng deportasyon. -Aadi Nair / Reuters; Gihubad ni Herli Mae Virador / Ato ni Bai

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page