top of page
Bai (150 x 150 px) (100 x 100 px).png

Warriors mibawi gikan sa 25-point nga labaw sa Lakers sa 31 puntos ni Curry

Mitala si Stephen Curry og 31 puntos samtang midugang og 50 puntos ang bench players sa Golden State Warriors aron makabawi sa ilang kapildihan sa opening night pinaagi sa 112-95 nga kadaugan batok sa Los Angeles Lakers sa unang duwa sa duha ka team sa NBA Cup niadtong Biyernes sa San Francisco.

Field Level Media; Gihubad ni Herli Mae Virador / Ato ni Bai

October 31, 2026 at 11:40:54 AM

Oktubre 30, 2026; San Francisco, California, USA; Misulong padulong sa basket si Golden State Warriors guard Stephen Curry (30) samtang gibantayan ni Los Angeles Lakers guard Luka Doncic (77) atol sa ikaupat nga quarter sa duwa sa Chase Center.

Kelley L Cox-Imagn Image

Mitala si Stephen Curry og 31 puntos samtang midugang og 50 puntos ang bench players sa Golden State Warriors aron makabawi sa ilang kapildihan sa opening night pinaagi sa 112-95 nga kadaugan batok sa Los Angeles Lakers sa unang duwa sa duha ka team sa NBA Cup niadtong Biyernes sa San Francisco.


Human makapuntos og 44 sa ilang kadaugan batok sa Minnesota, nakasulod si Curry og walo sa iyang 14 ka three-point attempts, nga nakatabang sa Warriors nga makabawi gikan sa 25-point nga kalamangan sa Lakers bisan pa sa 37 puntos ni Luka Doncic.


Human sa talagsaong first half diin ang matag team nakadaog og usa ka quarter sa iskor nga 38-15, nalabwan ang Warriors og 72-63 paglabay sa tunga-tunga sa third quarter sa wala pa nila dominaha ang sunod nga 10 minutos.


Nakahimo ang Golden State og 33-8 nga scoring run, nga nagsugod sa 22-8 nga paglamang sa nahibiling bahin sa third quarter. Ang mga reserve player nga sila Brandon Williams, Charles Bassey, ug De'Anthony Melton nakatampo og 13 puntos sa maong scoring run.


Human makalamang og 85-80 sa pagtapos sa third quarter, gipadayon sa Warriors ang ilang maayong duwa pinaagi sa pag-iskor sa unang 11 puntos sa fourth quarter aron mapadako ang ilang kalamangan ngadto sa 17 puntos. Gisugdan ni Brandin Podziemski ang quarter pinaagi sa usa ka two-point shot ug usa ka three-pointer, samtang si Curry ang nakapuntos sa nahibiling unom ka puntos sa maong scoring run.


Ang Lakers, nga midaog batok sa Warriors sa ilang home court sa iskor nga 127-105 niadtong Oktubre 21, wala na makapaduol sa ilang kalamangan nga ubos sa 12 puntos hangtod natapos ang duwa.


Ang season-high nga walo ka three-pointer ni Curry nakatabang sa Warriors nga malabwan ang Lakers og 66-33 sa puntos gikan sa three-point range. Nakahatag usab ang two-time MVP og unom ka assists.


Nagtapos si Podziemski nga adunay upat ka three-pointer ug 21 puntos, samtang nakatampo usab og importante nga mga puntos gikan sa bench sila Melton nga adunay 16 ug George Niang nga adunay 11. Kini ang ikatulong sunodsunod nga kadaugan sa Warriors human magsugod sa season nga adunay 0-3 nga rekord.


Nidaog ang Golden State bisan pa sa dili maayong performance sa ilang star rookie nga si Yaxel Lendeborg, nga nakatala lamang og unom ka puntos, lima ka turnovers, ug unom ka fouls. Nakahatag usab si Draymond Green og siyam ka assists ug tulo ka steals sa ilang kadaugan.


Si Doncic, nga nakapuntos og 21 sa first quarter aron pangunahan ang kusog nga pagsugod sa Lakers, nakasulod og unom ka three-pointer ug nagtapos nga adunay game-high nga 37 puntos. Nakakuha usab siya og pito ka rebounds, lima ka assists, ug duha ka blocks.


Midugang si Austin Reeves og 21 puntos, samtang ang iyang kauban sa starting lineup nga sila Jake LaRavia, Walker Kessler, ug Matisse Thybulle nakapuntos og tag-10 alang sa Los Angeles, nga nakakuha lamang og pito ka puntos gikan sa ilang bench players. Si Kessler ang nanguna sa rebounds sa duwa nga adunay 13.


Nakadugang sa problema sa Lakers ang ilang 22 ka turnovers, diin si Reeves nakahimo og walo.

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page