top of page
Bai (150 x 150 px) (100 x 100 px).png

UST Nakakuha sa Ikapitong Sunod nga Men’s Table Tennis Title; FEU Kampeon sa Women’s Division

Nadaog sa University of Santo Tomas (UST) ang ikapito nga sunodsunod nga UAAP men’s table tennis championship human makakuha og duha ka bulawang medalya sa individual events sa Season 89 tournament sa Mandaluyong City niadtong Nobyembre 15.

Paraluman News; Gihubad ni Alex Destor / Ato ni Bai

November 17, 2026 at 10:26:00 AM

UST players celebrate winning the UAAP Season 89 men's table tennis title in Mandaluyong City.

PNA / UAAP photo

Nadaog sa University of Santo Tomas (UST) ang ikapito nga sunodsunod nga UAAP men’s table tennis championship human makakuha og duha ka bulawang medalya sa individual events sa Season 89 tournament sa Mandaluyong City niadtong Nobyembre 15.


Nanguna ang UST sa men’s standings nga adunay 78 puntos, gisundan sa Ateneo de Manila University ug De La Salle University.


Gipangulohan sa national team player nga si Eljey Tormis ang Tiger Paddlers human niya mapildi si Kong Cabrido sa Ateneo sa men’s singles final aron makuha ang bulawang medalya ug Most Valuable Player award.


Nakadugang og laing bulawang medalya ang UST sa doubles event human gipildi nila Abraham Antivo IV ug Ruiz Marcelino ang ilang mga kauban sa team nga sila Josh Manlapaz ug Dirk Atilano sa final nga pulos UST players ang nag-atbang.


Gipahinungod sa Tiger Paddlers ang ilang championship ngadto sa dugay na nilang coach nga si Jackson Que, sumala sa Philippine News Agency (PNA).


Napabilin usab sa UST ang mga titulo sa boys’ ug girls’ team divisions, nga nakakuha sa ilang ikaupat nga sunodsunod nga championship sa boys’ division ug ikalima nga sunodsunod nga titulo sa girls’ category, sumala sa PNA.


Sa women’s division, nadaog sa Far Eastern University (FEU) ang ilang ika-13 nga championship nga adunay 69 puntos, nga milabaw sa UST ug De La Salle.


Nakuha nila FEU captain Krishna Reyes ug Cate Sarmiento ang bulawang medalya sa women’s doubles, samtang nadaog ni Angel Laude sa De La Salle ang women’s singles title human mapildi si Althea Gudes sa UST sa final.


Gitaho sa PNA nga nahimong malampuson ang kampanya sa FEU tungod sa ilang maayong mga performance sa individual events, samtang sila Kaira Agreda ug Leslie Dizon sa De La Salle parehong nakadawat sa Rookie of the Year honors. -Paraluman News; Gihubad ni Alex Destor / Ato ni Bai

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page