Pinoy Swimmer Ajido Ika-7 sa 50-Meter Butterfly Final sa Dakar Youth Olympics
Nahuman ni Filipino swimmer Jamesray Mishael Ajido ang iyang pag-apil sa Dakar 2026 Youth Olympic Games sa ikapitong puwesto sa men's 50-meter butterfly final niadtong Huwebes, Nobyembre 5.
RA Sibag; Gihubad ni Alex Destor / Ato ni Bai
November 6, 2026 at 3:09:21 PM

Screenshot sa usa ka litrato gikan sa Facebook page sa Philippine Sports Commission
Facebook /Philippine Sports Commission
Nahuman ni Filipino swimmer Jamesray Mishael Ajido ang iyang pag-apil sa Dakar 2026 Youth Olympic Games sa ikapitong puwesto sa men's 50-meter butterfly final niadtong Huwebes, Nobyembre 5.
Nakatala ang batan-ong eksperto sa sprint swimming og 25.49 segundos sa championship final, nga mas hinay og gamay kumpara sa iyang 25.24 segundos atol sa preliminary heats.
Miapil usab si Ajido sa men's 50-meter freestyle diin nakatala siya og 25.02 segundos ug nahimutang sa ika-26 nga puwesto sa kinatibuk-ang 55 ka mga manlalangoy gikan sa nagkalain-laing nasod.
Ang duha ka sprint events maoy kataposan sa pag-apil ni Ajido sa Youth Games, diin usa siya sa mga atleta nga nagrepresentar sa Pilipinas sa internasyonal nga kompetisyon. -RA Sibag; Gihubad ni Alex Destor / Ato ni Bai
%20(100%20x%20100%20px).png)





