MOTOR RACING: Sainz Magpabilin sa Williams Ubos sa Bag-ong Multi-Year Deal

Mipirma si Carlos Sainz og bag-ong multi-year contract sa Williams, gipahibalo sa Formula One team niadtong Miyerkules, nga nagsiguro sa iyang pagpabilin sa British team ug nagkompleto sa driver line-up niini alang sa 2027 kauban si Alex Albon.

Mibalhin ang 31-anyos nga Spanish driver, nga upat ka higayon nang nakadaog og lumba, sa Williams niadtong 2025 human mipirma og two-year deal nga adunay options to extend niadtong July 2024, human sa iyang pagbiya sa Ferrari nga giisip nga dakong kadaugan alang sa British team.

Sukad mibalhin sa Williams, nakakuha si Sainz og duha ka Grand Prix podium finishes ug usa ka Sprint podium, nga nagpakita sa iyang kontribusyon sa pag-uswag sa team.

“I’m as committed as I was on day one to helping get Williams back to where it belongs, and I look forward to creating more memories with the team,” matod ni Sainz sa usa ka pahayag.

Gipahibalo ang bag-ong kontrata usa ka adlaw human gipalugway sa Thai-British driver nga si Albon ang iyang pagpabilin sa team.