CYCLING: Ethan Hayter Gigisi ang Shorts Human Sayop nga Sukod ang Gihatag sa Vuelta Organizers

Napugos ang British rider nga si Ethan Hayter nga gision ang iyang shorts atol sa ikaduhang stage sa Vuelta a Espana niadtong Domingo human sayop nga sukod sa sinina ang gihatag kaniya.

Gisugdan ni Hayter ang adlaw nga nagsul-ob sa green jersey alang sa points classification human hapit niyang mapildi si Tadej Pogacar sa unang time trial sa Monaco.

Apan sayop ang sukod sa shorts nga gihatag kaniya sa mga organizer.

“The organisation, for some reason, they only gave me an extra small, and then they didn’t have any spares, so they said you can wear your own team kit or the green jersey,” matod sa 27-anyos nga Soudal–Quick-Step rider.

“I said I can’t wear my own team kit – you never know when your last day is in the jersey. But then we started the race, and it was like cutting the blood from my legs, so I had to (cut them). It looked a bit silly, but I was really suffering in the breakaway, and I started to feel a lot better once I made some breathing room for my legs.”

Si Hayter, nga upat ka higayon nang nahimong track cycling world champion, hapit unta makakuha sa red jersey isip overall leader human mibulag sa gamay nga nangunang grupo ug nakakuha og unom ka bonus seconds sa ulahing bahin sa 214km nga stage nga adunay daghang saka gikan Monaco paingon sa Manosque.

Apan nahabilin siya human maapsan ug natapos duol sa ulahing bahin sa peloton.

Magpabilin siyang magsul-ob sa green jersey sa Lunes, ug gilauman nga dili na kinahanglan gamitan og gunting. -Ato ni Bai