top of page
Bai (150 x 150 px) (100 x 100 px).png

Kanhi F1 World Champion Alan Jones Namatay sa Edad nga 80

Namatay sa edad nga 80 si kanhi Formula One world champion Alan Jones human sa mubo nga panahon sa pagkasakit, sumala sa gipahibalo sa Australian Grand Prix Corporation niadtong Huwebes.

Reuters / Paraluman News; Gihubad ni Alex Destor / Ato Ni Bai

November 6, 2026 at 1:30:34 PM

Nagmaneho og Formula One car ang Australian racing driver ug 1980 Formula One world champion nga si Alan Jones sa Brands Hatch, West Kingsdown, Britain, Agosto 21, 1985.

Reuters / John Eggit

Namatay sa edad nga 80 si kanhi Formula One world champion Alan Jones human sa mubo nga panahon sa pagkasakit, sumala sa gipahibalo sa Australian Grand Prix Corporation niadtong Huwebes.


Nahimong ikaduhang world champion sa Australia si Jones sunod kang Jack Brabham sa dihang nadaog niya ang drivers' title niadtong 1980, nga mao usab ang unang world championship title sa iladong Williams team.


Natawo sa Melbourne ug anak sa usa ka racing driver, miadto si Jones sa Europe aron ipadayon ang iyang pangandoy sa karera sa motor racing. Una siyang miapil sa Formula One sakay sa Hesketh atol sa 1975 Spanish Grand Prix.


Nadaog niya ang una sa iyang 12 ka kadaugan sa karera sa Austria alang sa Shadow team niadtong 1977. Apan wala kaayo siya mailhi sa iyang karera hangtod nga miapil siya sa Williams niadtong 1978.


Nakadaog si Jones og lima ka lumba sa world championship niadtong 1980 nga season ug nakasaka sa podium sa tanang Grand Prix nga iyang nahuman gawas sa usa. Tungod niini, nasiguro niya ang titulo batok sa Brazilian nga si Nelson Piquet.


Nagpabilin si Jones nga kataposang Australian nga nakadaog sa Formula One world championship ug kataposang lokal nga drayber nga nakadaog sa Australian Grand Prix. Nakab-ot niya ang maong kadaugan niadtong 1980, sa panahon nga ang lumba wala pa malakip sa world championship.


-

Jeremiah Fears Nahimong Pinakabatang Pelicans Player nga Nakarekord og Triple-Double

Jeremiah Fears Nahimong Pinakabatang Pelicans Player nga Nakarekord og Triple-Double

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

India Misang-at og Reklamo sa AFC Batok sa Giingong Rasistang Lihok sa Magdudula sa Palestine

Kanhing World Boxing Champion Jorge Linares Gidetenir sa ICE sa US

Kanhing World Boxing Champion Jorge Linares Gidetenir sa ICE sa US

Prince William Mibisita sa Bollywood Studio sa Mumbai

Prince William Mibisita sa Bollywood Studio sa Mumbai

Harry Styles, Cher ug Billie Eilish Manguna sa Glastonbury Festival sa 2027

Harry Styles, Cher ug Billie Eilish Manguna sa Glastonbury Festival sa 2027

Ellen Adarna Nakadani sa Netizens sa Iyang Chinese-Inspired Photo Shoot

Ellen Adarna Nakadani sa Netizens sa Iyang Chinese-Inspired Photo Shoot

bottom of page