FIFA Miapruba og $20 Milyon alang sa Pag-ayo sa Rizal Memorial Sports Complex
Himuong pasilidad nga eksklusibo alang sa football ang Rizal Memorial Sports Complex field ubos sa dakong proyekto sa pag-ayo nga gisuportahan sa FIFA, ang nagdumala sa football sa tibuok kalibotan.
Paraluman News; Gihubad ni Alex Destor / Ato ni Bai
November 17, 2026 at 8:32:33 AM

FOOTBALL-EXCLUSIVE. Executive Secretary Ralph Recto (2nd from right) joins officials of the Fédération Internationale de Football Association, Philippine Football Federation and Philippine Sports Commission during the signing for the rehabilitation of the Rizal Memorial Sports Complex football field on Sunday (Nov. 15, 2026). Also in photo are (from left) FIFA executive council member Mariano Araneta, FIFA secretary general Mattias Grafstrom, PFF president John Gutierrez, FIFA president Gianni Infantino and PSC Chairperson Patrick Gregorio.
PNA / PSC Media Pool
Himuong pasilidad nga eksklusibo alang sa football ang Rizal Memorial Sports Complex field ubos sa dakong proyekto sa pag-ayo nga gisuportahan sa FIFA, ang nagdumala sa football sa tibuok kalibotan.
Miingon si Philippine Sports Commission (PSC) Chair Patrick Gregorio niadtong Nobyembre 15 nga tangtangon ang athletics track sa stadium isip kabahin sa pag-ayo aron mahimo kining world-class nga pasilidad sa football.
Nakadawat og dugang suporta ang proyekto human mibisita si FIFA President Gianni Infantino sa stadium ug mitunol og $20 milyon nga pondo ngadto sa PSC pinaagi sa usa ka memorandum of agreement, sumala sa Philippine News Agency (PNA).
Matod ni Gregorio, ibalhin sa PhilSports Complex sa Pasig ang mga kompetisyon sa athletics nga kasamtangang gihimo sa Rizal Memorial, diin naaprobahan na usab ang laing proyekto sa pag-ayo sa pasilidad alang sa track and field.
Gitaho sa PNA nga alang kang Gregorio, importante ang pagbulag sa mga pasilidad sa football ug athletics aron mapalambo ang duha ka sports ug makahimo ang Rizal Memorial ug PhilSports sa pag-host og mga kompetisyon nga nagsunod sa internasyonal nga mga sumbanan.
Gipormal usab sa memorandum of agreement ang suporta sa FIFA ug Philippine Football Federation sa pag-ayo sa football field sa Rizal Memorial.
Mitambong sa seremonya sa pagpirma si Philippine Football Federation President John Gutierrez ug FIFA Council member Mariano “Nonong” Araneta, kauban si Infantino ug mga opisyal sa PSC.
Matod ni Gregorio, gikatakdang sugdan ang konstruksyon sa Enero 2027 ug gilauman nga mahuman sulod sa mga 15 ka bulan.
Kung mahuman na ang pag-ayo, gilaumang makaakomodar ang pasilidad og hangtod 25,000 ka tumatan-aw, sumala sa PNA. -Paraluman News; Gihubad ni Alex Destor / Ato ni Bai
%20(100%20x%20100%20px).png)





