top of page
Bai (150 x 150 px) (100 x 100 px).png

MOTOR RACING: Rwanda Mo-host og F1 Race Sugod sa Unang Bahin sa 2030s

Mobalik ang Formula One sa Africa sa unang higayon niining sigloha human makab-ot sa Rwanda ang 10 ka tuig nga kasabotan aron mag-host og lumba sugod sa unang bahin sa 2030s, sumala sa pahibalo sa organisasyon niadtong Martes.

Ato ni Bai

October 14, 2026 at 8:28:18 AM

Namulong si Formula 1 President ug CEO Stefano Domenicali atol sa usa ka press conference sa Kigali, Rwanda, niadtong Oktubre 13, 2026, human magkasabot ang Formula One ug Rwanda sa 10 ka tuig nga kasabutan aron magpahigayon og lumba sugod sa unang bahin sa dekada 2030.

Reuters / Jean Bizimana

Mobalik ang Formula One sa Africa sa unang higayon niining sigloha human makab-ot sa Rwanda ang 10 ka tuig nga kasabotan aron mag-host og lumba sugod sa unang bahin sa 2030s, sumala sa pahibalo sa organisasyon niadtong Martes.


Dugay nang nagtinguha ang Formula One nga makabalik sa Africa human kini kataposang nagpahigayon og lumba sa kontinente niadtong 1993 sa Kyalami circuit sa South Africa, sa amihanan sa Johannesburg.


"Today is a landmark moment for Formula One," matod ni Chief Executive Stefano Domenicali sa usa ka press conference sa Kigali, ang kaulohan sa Rwanda, kauban si Rwandan President Paul Kagame ug International Automobile Federation (FIA) head Mohammed Ben Sulayem.


"With Rwanda joining the calendar from the next decade, our sport will race in every inhabited continent, bringing the world championship closer than ever to fans around the globe.


"Africa has always been part of Formula One's future, and from the beginning we were determined to return in the right way, with the right partner, a long-term commitment and a clear vision for creating meaningful impact."


Gipahibalo ni Kagame duha ka tuig na ang milabay ang plano sa iyang nasod sa East Africa, nga walay direktang agianan paingon sa dagat, nga mag-host sa F1. Lakip sa plano ang pagtukod og Grade One racing circuit duol sa bag-ong international airport nga gitukod sa Bugesera, mga 40 kilometro (25 milya) sa habagatan sa Kigali. Gilaumang mahuman ang circuit sa unang bahin sa sunod nga dekada.


Mahimong ikatulong nasod sa Africa ang Rwanda nga mag-host og lumba sa Formula One World Championship, nga nagsugod niadtong 1950. Ang Morocco unang nag-host og lumba sa gawas sa Casablanca niadtong 1958.


Matod ni Domenicali, ang kasabotan sa Rwanda dili lamang bahin sa pagpahigayon og grand prix kondili usab sa mga benepisyo niini sa ekonomiya ug katilingban pinaagi sa turismo ug pamuhunan.


"For our fans this is an especially exciting moment," dugang niya. "Africa is home to more than 100 million Formula One fans and that number continues to grow rapidly."


-Ato ni Bai

Pinoy Swimmer Ajido Ika-7 sa 50-Meter Butterfly Final sa Dakar Youth Olympics

Pinoy Swimmer Ajido Ika-7 sa 50-Meter Butterfly Final sa Dakar Youth Olympics

Shai Gilgeous-Alexander Nanguna sa Kadaugan sa Thunder Batok sa Cavaliers

Shai Gilgeous-Alexander Nanguna sa Kadaugan sa Thunder Batok sa Cavaliers

Kanhi F1 World Champion Alan Jones Namatay sa Edad nga 80

Kanhi F1 World Champion Alan Jones Namatay sa Edad nga 80

British Adventurer Makauli na Human sa 28 ka Tuig nga Paglakaw Libot sa Kalibotan

British Adventurer Makauli na Human sa 28 ka Tuig nga Paglakaw Libot sa Kalibotan

Liboan ka Tawo nga Nagsul-ob og Makahahadlok nga Kostyum Midagsa sa Sao Paulo

Liboan ka Tawo nga Nagsul-ob og Makahahadlok nga Kostyum Midagsa sa Sao Paulo

Mga Tigre sa Copenhagen Zoo Gihatagan og Dakong Kalabasa Human sa Halloween

Mga Tigre sa Copenhagen Zoo Gihatagan og Dakong Kalabasa Human sa Halloween

bottom of page