US, Ukraine ug Russia, posibleng magtigom sa G20 summit — Zelenskiy

Posibleng magtigom ang Ukraine, United States ug Russia atol sa G20 summit sa US, apan wala pa kini kumpirmaha sa Washington ug Moscow, ug mahimo usab nga ipahigayon ang panagtagbo sa ubang lugar, matod ni Ukrainian President Volodymyr Zelenskiy niadtong Sabado.

Gikatakdang ipahigayon sa Miami karong Disyembre ang summit sa Group of 20 (G20), nga gilangkuban sa mga dagkong ekonomiya sa kalibotan, lakip ang US ug Russia, apan dili apil ang Ukraine.

"The meeting could then take place in the United States during the G20 summit. But there has been no confirmation yet from either Russia or the United States. It could also be held in a European country," matod ni Zelenskiy sa mga reporter atol sa usa ka WhatsApp media chat.

Dugang pa niya: "This meeting could take place in one of the Middle Eastern countries. The United States has consistently mentioned the United Arab Emirates or Saudi Arabia."

Miingon si Zelenskiy nga nakig-estorya ang mga negosyador sa Ukraine sa mga opisyal sa US niadtong Biyernes, apan wala siya maghatag og dugang detalye. Matod usab niya, kinahanglan nga adunay kaugalingong proseso sa pakig-negosasyon ang Europe sa Russia, tungod kay nagkagrabe ang relasyon sa duha ka bahin tungod sa giyera sa Moscow batok sa Ukraine.

Wala mouyon si US President Donald Trump nga magpatuman og mas hugot nga mga silot batok sa Russia tungod sa giyera nga milungtad na og kapin sa upat ka tuig. Gisaway usab ni Zelenskiy si Trump tungod sa pagtangtang sa mga silot sa pag-eksport sa diesel gikan sa Russia.

STARLINK

Miingon si Zelenskiy nga dili magamit sa militar sa Ukraine ang ilang mga interceptor drone batok sa mga pag-atake sa Russian drone tungod sa mga limitasyon sa speed nga gipahamtang sa mga serbisyo sa satellite company nga Starlink.

"Today, our interceptor drones are not operating because of speed limitations," matod ni Zelenskiy.

Matod niya, gipahibalo ang Ukraine nga ang mga limitasyon sa speed tungod sa teknikal nga mga problema. Apan gipakita sa mga pagsulay sa Starlink sulod sa teritoryo sa European Union nga walay susamang mga problema didto.

Miingon si Trump niadtong Biyernes nga wala siya magtuo nga siya o si Elon Musk, kansang kompanyang SpaceX maoy naghimo sa Starshield system nga gigamit sa militar sa Ukraine, ang responsable sa pagkawala sa access sa Ukraine sa Starlink nga nakaapekto sa ilang mga operasyon militar batok sa Russia.

Ang pagkunhod sa mga serbisyo nga gihatag sa satellite company nakabalda sa komunikasyon sa headquarters ug nagpahinay sa internet speed.

-Ato ni Bai