US nag-andam og sanctions batok sa ICC, diin kustodiya si kanhi President Duterte

Nag-andam ang administrasyon ni President Donald Trump og sanctions batok sa tibuok International Criminal Court (ICC) ug nagplano nga ipahibalo kini sa dili madugay, matod sa duha ka sources nga pamilyar sa maong lakang. Kini makapakusog sa pag-atake niini batok sa global tribunal nga nag-prosecute sa war crimes ug genocide sa tibuok kalibotan.

Wala gitago sa Trump administration ang pagsupak niini sa korte ug naningkamot kini nga pahuyangon ang ICC. Gusto sa US officials nga tangtangon sa korte ang arrest warrants batok sa Israeli leaders, ingon man ang kaniadto nga imbestigasyon sa American troops sa Afghanistan.

Gipahibalo ni US Secretary of State Marco Rubio niadtong Hulyo ang usa ka kampanya aron i-isolate ang korte, ug nanawagan sa ubang mga nasod nga mobiya sa tribunal. Nagpahamtang na ang Washington og sanctions batok sa pipila ka ICC judges ug prosecutors apan wala pa kini nagpahamtang og sanctions batok mismo sa korte, bisan dugay nang gikonsiderar ang maong lakang isip usa sa mga opsyon.

Wala dayon motubag ang State Department sa hangyo alang sa komento.

Giandam na ang sanctions batok sa korte, matod sa mga sources, bisan wala pa klaro ang eksaktong panahon sa pagpahibalo niini. Gikutlo sa Wall Street Journal ang mga opisyal nga miingon nga mahimong mahuman ang desisyon karong semanaha atol sa United Nations General Assembly meeting.

Ang direktang pagtarget sa tibuok organisasyon, lakip ang mga entity nga nakigtambayayong niini, mahimong makapahuyang pag-ayo sa trabaho sa korte.

Ang bisan unsang sanctions batok sa tibuok organisasyon nga ipahamtang sa US Treasury magdili sa US citizens ug companies sa paghatag og pondo, mga produkto o serbisyo ngadto sa korte nga walay lisensya gikan sa US Treasury's Office of Foreign Assets Control (OFAC). Kasagarang mas estrikto ang mga bangko sa pagsunod sa maong US sanctions tungod kay nagsalig sila sa access sa American financial system.

Lakip sa mga operasyon sa korte nga mahimong maapektuhan sa sanctions batok sa tibuok organisasyon mao ang pagpalit og IT services ug insurance, pag-hire og investigators ug paghimo sa adlaw-adlaw nga financial transactions, sama sa pagbayad sa daghang American employees, matod sa ICC registrar ug president.

Ang pagsupak ni Trump sa korte nagsugod pa sa iyang unang termino. Mitumaw kini pag-usab uban sa plano nga silotan ang ICC officials, usa ka ideya nga gimugna niadtong Nobyembre 2024 sa dihang napili pag-usab si Trump ug nagpagawas ang ICC og arrest warrant batok kang Netanyahu tungod sa giingong war crimes ug crimes against humanity sa Gaza conflict.

Gitukod ang ICC niadtong 2002 sa international community aron mag-prosecute sa war crimes, genocide ug crimes against humanity. Nag-angkon lamang kini og jurisdiction kung ang usa ka member state dili makahimo o dili gustong mag-prosecute sa mga atrocity mismo.

Wala sukad nahimong miyembro sa ICC ang United States.

Kalabotang Balita:

Former President Duterte Mitungha Atubangan sa ICC Judges Human sa 18 ka Bulan

-Ato ni Bai