UNHCR funding crisis, 8.3 milyon ka tao nameligro, matod sa ahensiya

GENEVA — Gipasidan-an sa United Nations refugee agency niadtong Martes nga ang nagkagrabeng funding crisis mahimong magbilin sa hapit 8.3 milyon ka refugees ug forcibly displaced people nga walay access sa tabang karong tuiga, ug mahimong makapaduol sa pagkahugno sa protection systems sa pipila ka nasod.

Nag-atubang ang UNHCR sa usa sa labing grabeng funding crises sa kasaysayan niini human sa pagkunhod sa aid gikan sa United States ug ubang mga nasod. Nag-atubang kini og $5.789 billion nga funding gap, sumala sa bag-ong report sa ahensiya, human mikunhod og 24% ang pondo nga anaa alang niini tali sa 2024 ug 2025.

Hangtod Hulyo, 32% lamang sa $8.505 billion nga gikinahanglan sa UNHCR alang sa 2026 ang nadawat niini, samtang ang gidaghanon sa forcibly displaced ug stateless people sa tibuok kalibotan nagpabiling duol sa record levels.

Gilauman sa UNHCR nga moabot sa 131.2 milyon ang populasyon nga sakop sa mandato niini sa katapusan sa tuig, gikan sa 129.4 milyon sa katapusan sa miaging tuig.

“Below a certain threshold, the system doesn’t shrink, it fails," matod sa ahensiya sa 26-page report nga naglatid sa epekto sa budget cuts sa refugee registration, child protection programmes, ug mga serbisyo alang sa survivors of gender-based violence.

Gipasiugda sa report ang grabeng mga epekto sa mga nasod nga nag-host og daghang displaced populations. Sa Chad, diin ang mga refugee mikalagiw gikan sa gubat sa silingang Sudan, 319,000 ka tawo ang nag-atubang og delays sa registration samtang 200,000 ka babaye ug batang babaye mahimong mawad-an og access sa safe spaces ug prevention programmes.

Sa Sudan—nga giisip sa UN nga pinakagrabeng displacement crisis sa kalibotan tungod sa civil war nga misulod sa ikaupat nga tuig niini niadtong Abril—mga 140,000 ka refugees ug asylum-seekers ang nagpabiling wala ma-register hangtod sa tunga-tunga sa tuig human gisuspinde ang registration activities sulod sa unang lima ka bulan sa 2026.

Sa Afghanistan, ang grants sa UNHCR nga gihatag sa mga tawo nga mibalik sa nasod gipakunhod gikan sa $375 ngadto sa $170 matag tawo, samtang kapin usa ka milyon ka tawo ang nadawat sa nasod karong tuiga lamang tungod sa forced o voluntary returns gikan sa silingang mga nasod, lakip ang Iran ug Pakistan.

Matod sa UNHCR, dili na makabawi ang dugang nga cost-saving measures sa kakulang sa pondo, human niini mapakunhod og 33% ang workforce niini niadtong 2025, magsira og mga opisina sa 140 ka lokasyon, ug mohunong sa operations sa 15 ka nasod kumpara sa 2024.

Giingon usab sa ahensiya nga nagkadako ang bahin sa donor funding nga hugot nga gitagana alang sa espesipikong mga katuyoan, nga misaka ngadto sa 51% sa 2026 gikan sa 19% lima ka tuig ang milabay, nga naglimit sa abilidad niini sa pagbalhin sa resources ngadto sa labing dinaliang mga prayoridad.

Gipasidan-an sa UNHCR nga ang pagkunhod sa pondo anam-anam nga nagpahuyang sa protection system, nga nagdugang sa risgo nga magpabiling walay dokumento ang mga refugee ug nga ang survivors of gender-based violence dili makadawat sa suporta nga ilang gikinahanglan.

-Ato ni Bai