Sunog sa ferry sa Palawan, 35 na ang patay

CORON - Nakuha sa mga rescuer sa Pilipinas ang 30 ka lawas sa mga namatay gikan sa nasunog nga ferry niadtong Biyernes, nga nagpasaka sa gidaghanon sa mga namatay sa sunog ngadto sa 35, matod sa mga awtoridad.

Nakaplagan sa mga bombero ang mga lawas human sila nakasulod sa ferry sa unang higayon, human mapalong ang sunog nga nakababag sa search and rescue operations sukad Miyerkules sa gabii.

Makita sa bidyo nga gipagawas sa Coast Guard ang mga responder nga nagsul-ob og protective suits samtang nagdala og itom nga body bags gikan sa gamay nga sakayan ngadto sa usa ka Coast Guard vessel.

Nakapugong kaniadto sa mga rescuer sa pagsulod sa ferry ang baga nga aso ug grabeng kainit. Kapin sa 130 ka tawo ang sakay sa ferry sa dihang gilamoy kini sa kalayo.

Samtang naghulat ang mga pamilya og balita bahin sa ilang nawalang mga paryente, ang uban nagpahayag og kapungot tungod sa kakulang sa impormasyon nga ilang nadawat.

Wala pa mahibaloi kung pila ka tawo ang wala pa makit-i, apan 84 ang gitaho sa mga awtoridad nga nawala sa wala pa makuha ang 30 ka lawas niadtong Biyernes. Nakaabot sa 43 ang naluwas hangtod Biyernes sa buntag.

Gipakita sa mga hulagway nga gipagawas sa Coast Guard ang kadaot nga nahimo sa sunog sulod sa ferry, diin ang mga higdaanan sa accommodation area nahimong nagkabaliko nga mga puthaw ug abo. Sa usa ka hulagway, makita ang daw mga bukog taliwala sa nasunog nga mga salin sa grabeng nadaot nga bahin sa ferry.

Sa laing hulagway, makita ang daw nasunog nga sakyanan.

"We recognize the grief of the families affected by this tragic incident. Rest assured that operations are carried out with utmost respect for the deceased and their bereaved families," matod ni Coast Guard spokesperson Commodore Noemi Cayabyab.

Gisulti sa usa sa mga naluwas nga si Richard Marceliano sa GMA News nga nakakita siya og gamay nga aso nga dali nga nahimong kusog nga sunog ug mikaylap sa ferry sulod lamang sa pipila ka segundo. Matod niya, hapit duha ka oras silang naglutaw sa dagat uban sa ubang mga pasahero sa wala pa sila maluwas.

Ang sunog mao ang pinakabag-o sa sunod-sunod nga makamatay nga maritime accidents sa Pilipinas, usa ka kapupud-an nga adunay kapin sa 7,600 ka isla diin milyon-milyong tawo ang nagsalig sa mga ferry ug gagmayng sakayan sa pagbiyahe tali sa mga probinsya ug isla.

Niadtong Enero, kapin sa 60 ka tawo ang namatay sa dihang nalunod ang usa ka passenger vessel nga adunay kapin sa 300 ka tawo samtang padulong sa habagatang probinsya sa Sulu.

'IT HURTS SO MUCH'

Samtang padayon ang pagpangita, mitungha ang mga istorya bahin sa mga tawo nga wala pa makit-i.

Ang biyahe nga gituyo unta sa pagsaulog sa pagbag-o sa wedding vows nahimong kasubo ug kawalay kasigurohan alang sa 60-anyos nga si Jonnsban Tibay, kinsa nahadlok nga usa ang iyang asawa nga si Eden sa mga na-trap sulod sa ferry.

Wala siya mouban sa iyang asawa, ug nag-video call ang magtiayon sa dihang nagsugod ang sunog. "She said, 'We're leaving now.' I told her not to hang up and that we should keep the video call going. I was about to ask her to join our prayer when the call suddenly cut off," matod niya.

Dili motuo si Tibay nga nakagawas ang iyang asawa.

"I'm 100% certain she didn't jump. She must have been trapped," matod niya. "She was diabetic and physically weak. She was no longer as agile as before."

"It hurts so much," matod ni Tibay. "My two children can't stop crying."

Sa usa ka pantalan sa Coron, mihilak si Myra Bilan, kansang igsoon nga babaye ug bayaw wala pa makit-i. Matod ni Bilan, 47, nga nagbiyahe ang magtiayon paingon sa Palawan alang sa negosyo aron maghatod og mga higdaanan.

"I hope our government takes action. So many people have died," matod niya. "I hope they don't turn a blind eye to poor families like us."

Sa gawas sa opisina sa shipowner nga Atienza Inter-Island Ferries sa Manila, naghulat ang mga paryente nga nasuko tungod sa kakulang sa impormasyon bahin sa ilang mga mahal sa kinabuhi.

Gipahayag sa ferry company nga hingpit silang nakigtambayayong sa mga awtoridad sa gobyerno nga nag-imbestigar sa insidente.

Wala pa mahibaloi kung unsay hinungdan sa sunog, nga nagsugod samtang hapit na mahuman ang kapin 20 ka oras nga biyahe sa ferry paingon sa Coron, usa ka sikat nga tourist spot sa northern Palawan.

Sumala sa pahayag sa Maritime Industry Authority, base sa mga gisulti sa mga naluwas, duha ka sunod-sunod nga pagbuto ang nadungog gikan sa sulod sa barko, nga maoy gisundan sa sunog.

Ang ferry, nga adunay kapasidad nga 330 ka tawo, nagkarga usab og lima ka motorsiklo, usa ka electric vehicle, usa ka forklift, usa ka pickup truck ug uban pang kargamento, sumala sa Coast Guard.

-Ato Ni Bai