Sunod 60 ka adlaw kritikal sa developing countries taliwala sa El Niño, energy crisis — UNDP

Nagdugang sa pressure sa developing countries ang pagsaka sa gasto sa enerhiya, super El Niño, ug pagsaka sa borrowing costs, samtang nagkaduol ang kahimtang sa nasinati atol sa pandemic sa dihang gisuspenso sa G20 ang debt payments sa labing kabos nga mga nasod, matod sa United Nations Development Programme niadtong Biyernes.

Gilauman nga hisgutan sa global policymakers ang dagkong mga hagit nga giatubang sa developing countries atol sa annual meetings sa International Monetary Fund ug World Bank sa Bangkok, Thailand, gikan Oktubre 12 hangtod 18, matod ni UNDP Administrator Alexander De Croo sa mga reporter.

Gipasidan-an niya nga ang mga panghitabo mahimong mosangpot sa "domino effect with many, many countries being pushed into financial distress," apan wala siya moabot sa punto nga manawagan og bag-ong hugna sa debt relief.

Tigumon sa IMF-World Bank meetings ang mga top financial officials gikan sa tibuok kalibotan alang sa mga panaghisgot bahin sa global economy, AI, climate change, ug uban pang mga hagit, samtang ang government borrowing costs nakaabot sa pinakataas niini sulod sa pipila ka dekada tungod sa nagkadakong kabalaka bahin sa inflation samtang ang gubat sa Iran nagpasaka sa presyo sa enerhiya.

Sa samang panahon, gilauman nga ang pinakakusog nga El Niño weather effect sukad 1950 mahimong hinungdan sa dugang nga pagbaha sa pipila ka rehiyon ug hulaw sa uban, nga gipaabot nga makadugang og 49 milyon ka tawo nga makasinati og food insecurity sa katapusan sa 2027.

Miingon si De Croo nga ang UNDP surveys nga gihimo sukad nagsugod ang gubat nagpakita nga ang panagbangi miuswag gikan sa usa ka regional conflict ngadto sa "a crisis which has an impact on approximately 100 countries."

Daghang gobyerno ang mihimo og mga lakang aron mapanalipdan ang ilang mga lungsoranon gikan sa pagsaka sa presyo sa krudo, apan nagkahurot na ang ilang fiscal coffers ug nagkataas ang ilang debt levels, nga wala pay makita nga tinuod nga kahupayan, matod niya, ug midugang nga ang mga nasod kinahanglan magpokus sa mga lakang nga makatabang sa labing huyang.

Bisan pa nga ang pipila ka nasod nagpalapad sa ilang energy sources ug nagpahiangay sa ilang food systems, magkinahanglan og panahon kini nga mga paningkamot, busa nagpabilin sila karon sa usa ka "really tough, tough spot," matod niya.

SUBSIDY BURDEN

Miingon si UNDP Chief Economist George Gray Molina nga nakita ang dakong kausaban niadtong Setyembre, sa dihang ang pipila ka gobyerno nagsugod sa pagtugot nga ang mas taas nga presyo sa enerhiya direktang mabati sa mga lungsoranon, ug nagsugod sa pagkunhod sa subsidies, tax relief, ug uban pang mga lakang nga nakatabang sa pagpugong sa pagsaka sa presyo sa pagkaon ug enerhiya sukad nagsugod ang gubat.

"That means that they're not able to contain fiscally and financially that burden," matod niya. "We think that this is a significant issue that needs to be discussed." Bisan ang middle-income countries paspas nga nahurotan sa ilang fiscal buffers samtang naningkamot sila sa pagpamenos sa epekto sa pagsaka sa presyo sa enerhiya, matod niya.

Miingon si Molina nga mahimong kritikal ang mga kalamboan sa bond market ug presyo sa krudo sulod sa sunod 60 ka adlaw. Nakadugang na ang mas taas nga presyo sa mga protesta ug social unrest sa 10 ka nasod niadtong Setyembre, matod sa UNDP.

Ug daghang nasod ang nagpaabot nga mosamot pa ang kahimtang.

Sa 26 ka nasod nga gi-survey sa UNDP, 22 ang nag-rate sa krisis isip high o medium priority; 13 ang miingon nga midugang kini sa kasamtangang economic o fiscal crisis, ug ang tanang 26 nagtuo nga wala pa moabot ang pinakagrabe.

-Ato ni Bai