Kanhi ICC judge Navanethem 'Navi' Pillay nakadaog sa 2026 Nobel Peace Prize

Nakadaog si Navi Pillay, kanhi judge sa International Criminal Court (ICC) nga nangulo sa paghimo sa usa ka UN report nga nakahinapos nga nakahimog genocide ang Israel sa Gaza, sa Nobel Peace Prize niadtong Biyernes "for her efforts to promote peace and international law".

Gipasiugda sa Norwegian Nobel Committee nga ang Nobel Peace Prize karong tuiga nagpakita sa importansya sa pagmintinar sa usa ka organisado nga internasyonal nga sistema.

"The system of international law is under tremendous pressure, and its institutions are under attack," matod sa komite.

"We see a shift towards power politics at the expense of legal frameworks and global respect for law and justice. Whenever might overtakes right, it undermines stability, trust and peaceful co-existence."

Natawo si Navi Pillay, 85, sa Durban sa Natal province sa South Africa, sa usa ka pamilya nga adunay Indian Tamil nga kagikan. Nagsilbi siyang judge sa pipila ka internasyonal nga korte, lakip ang International Criminal Court ug International Criminal Tribunal for Rwanda.

Nagsilbi usab siyang chairperson sa UN Commission of Inquiry on the Occupied Palestinian Territory, nga nakahinapos niadtong miaging tuig nga nakahimog genocide ang Israel sa Gaza. Gisalikway sa Israel ang maong report ug gihulagway kini nga "scandalous".

Nagsilbi usab siya isip United Nations High Commissioner for Human Rights.

Niadtong 1967, nahimo siyang unang babaye nga nagtukod og law practice sa Natal ug unang babaye nga dili puti nga nahimong judge sa High Court sa South Africa.

'FIRM MORAL COMPASS'

Matod sa komite, gipaningkamotan ni Pillay nga manubag ang mga estado ug mga lider sa nasod sa ilang mga aksyon, naghatag og paglaom sa mga biktima sa kapintasan ug panagbangi, ug nagpakita og lig-on nga prinsipyo sa hustisya sulod sa iyang taas nga karera.

"A common thread runs from her early work defending Nelson Mandela and others who stood up against apartheid to her service as a judge in some of the key international court cases of our time," matod sa komite.

Ang ICC nga nakabase sa The Hague nahimong target sa nagkakusog nga kampanya ni US President Donald Trump, nga niadtong miaging bulan nag-awhag sa mga nasod nga mobiya sa maong korte.

Nagpatuman na ang Washington og mga sanctions batok sa pipila ka prosecutor ug judge sa ICC. Sumala sa mga source, gikonsiderar usab niini ang mas lapad nga sanctions isip balos sa mga aksyon sa korte batok sa mga lider sa Israel.

Matod ni Haakon Gjerloew, acting director sa Peace Research Institute Oslo, ang paghatag sa award kang Pillay dili direktang pagbatikos kang Trump.

"I think it's generally rather a promotion of an international legal world order. Of course, he might react to someone who has been part of the ICC, but it's not a direct attack on Trump," matod ni Gjerloew.

Ang Nobel Peace Prize mao ang ikalima nga Nobel Prize nga gihatag karong semanaha, human sa literature, chemistry, physics ug medicine. Si Venezuelan opposition leader Maria Corina Machado ang nakadaog niadtong 2025.

Ang Nobel Peace Prize, nga nagkantidad og 12 milyon ka Swedish crowns o mga $1.2 milyon, gikatakdang ihatag sa Oslo sa Disyembre 10, ang anibersaryo sa pagkamatay ni Swedish industrialist Alfred Nobel, nga nagtukod sa maong mga award pinaagi sa iyang testamento niadtong 1895.

-Ato ni Bai