Senate gipaubos ang voting threshold sa impeachment trial ni VP Sara Duterte

Gipaubos sa Philippine Senate, nga naglingkod isip impeachment court, niadtong Miyerkules ang gidaghanon sa boto nga gikinahanglan aron makonbikto si Vice President Sara Duterte, nga nagpaubos sa threshold nga kinahanglan makab-ot sa prosecutors aron makakuha og guilty verdict.

Nagdesisyon ang korte nga ang mga senator-judge lamang nga makahimo sa pag-apil sa trial ang iapil sa pagkwenta sa threshold alang sa conviction. Upat sa 24 ka senator-judge ang dili makaapil sa proceedings ug dili makaboto.

Tungod sa desisyon, 14 na ka boto ang gikinahanglan sa prosecutors alang sa conviction, imbis nga 16 ka boto kung kompleto ang 24 ka senator-judge. Pipila ka senator ang nangatarungan nga ipabilin sa 16 ang voting threshold bisan wala ang upat ka senator-judge, nga mas makapalisod unta sa pagkonbikto kang Duterte.

Gisundan sa impeachment trial ang dakong panagbangi tali ni Duterte ug sa iyang kanhing kaalyado ug running mate nga si President Ferdinand Marcos Jr. Ang resulta sa trial mahimong makaapekto sa 2028 presidential election, diin plano ni Duterte nga modagan.

Gitugotan lamang sa konstitusyon si Marcos og usa ka termino isip presidente ug gilauman nga mosuporta siya og mopuli kaniya.

Si Duterte, nga nanguna sa unang mga opinion poll, mahimong did-an sa paghupot og political office kung makonbikto sa korte ug dili na siya makaapil sa presidential race.

Giakusahan siya sa sayop nga paggamit sa public funds, pagtigom og wala mapasabot nga bahandi ug paghulga sa kinabuhi ni Marcos, sa first lady ug sa kanhing House Speaker. Gipanghimakak ni Duterte nga nakahimo siya og sayop.

"This is the best chance to secure a conviction," matod ni Michael Henry Yusingco, senior research fellow sa Ateneo Policy Center sa Manila, bahin sa desisyon sa korte nga ipaubos ang voting threshold.

-Ato ni Bai