Pope Leo nanawagan alang sa AI systems nga motahod sa ‘dignity of every person’

Nanawagan si Pope Leo niadtong Lunes alang sa paghimo og AI systems nga dili makapadugang sa pagkabahinbahin sa katilingban kondili makapalig-on sa mga paningkamot alang sa kalinaw. Kaniadto, nagpahimangno siya sa peligro nga mahimong magdala ang AI sa kalibotan ngadto sa walay hunong nga gubat.

"In a world marked by conflict and division, the development of artificial intelligence calls for a vision inspired by wisdom and charity," matod sa pontiff sa usa ka mensahe alang sa conference bahin sa AI nga gihimo sa Rome.

Gidasig sa pope ang paghimo og AI systems nga "serve the dignity of every person and strengthen the bonds that unite the human family".

Gihimo ni Leo, ang unang US-born pope, nga usa sa mga nag-unang tema sa iyang 16 ka bulan nga papacy ang pagtubag sa posibleng mga peligro sa pagpalambo sa AI. Una niyang gihisgutan sa publiko ang maong isyu sa iyang ikatulong adlaw isip pope.

Sa iyang unang major document nga gipagawas niadtong Mayo, nagpahimangno si Leo nga ang AI systems nagpakaylap og misinformation ug naghatag og prayoridad sa conflict. Giawhag niya ang international regulation sa industriya.

Gihimo niadtong Lunes sa Rome's Pontifical Lateran University ang conference nga giulohan og "AI4Peace." Lakip sa mga speakers si US economist Jeffrey Sachs, Rome city council president Svetlana Celli ug Francisco Rojas Aravena, rector sa UN's University for Peace nga nakabase sa Costa Rica.

Gibasa ngadto sa mga nanambong ang mubo nga mensahe ni Leo ni Rev. Andrea Ciucci, chancellor sa Vatican's Pontifical Academy for Life.

-Ato ni Bai