Pope Leo Mipasalig sa Pagtapos sa Pag-abuso sa mga Bata sa mga Katolikong Pari

Gipamatud-an pag-usab ni Pope Leo ang iyang pasalig nga tapuson ang pag-abuso sa mga bata sa mga Katolikong pari atol sa iyang pakigkita sa mga French survivor sa pag-abuso niadtong Domingo, matod sa Vatican, pipila ka oras human giawhag sa Santo Papa ang Simbahan nga angkonon ang kaugalingong mga kapakyasan ug ayohon ang “deep wounds” niini.

Nakigkita si Leo sulod sa duha ka oras sa pito ka survivor sa France, diin anaa siya alang sa tulo ka siyudad nga pagbisita karong weekend. Matod sa pahayag sa Vatican, pribado siyang nakigkita sa matag biktima ug naminaw sa ilang mga sugyot kon unsaon pagpalig-on sa mga lakang sa Simbahan aron mapanalipdan ang mga tawo batok sa pag-abuso.

“He thanked them for their painful testimony and reaffirmed his commitment to ensuring that the harm they experienced is not repeated for others,” matod sa pahayag.

Human sa panagkita, miingon ang mga survivor nga emosyonal ug makatandog kini. Matod nila, gibati nilang gipaminaw sila sa Santo Papa ug nakadayeg sila sa iyang kalooy ug kahibalo sa ilang tagsa-tagsa ka kaso, apan naglaom usab sila nga sundan og aksyon ang iyang mga pulong.

“He certainly believes that the Church has done a great deal in France, but he also believes that the Church in France still has a tremendous amount left to do,” matod ni Jérôme Guillement.

Nagpadayon si Leo sa upat ka adlaw nga pagbisita sa France. Naglaom ang lokal nga mga lider sa Simbahan nga makatabang siya sa pagpasig-uli sa dungog sa Simbahan human nakita sa usa ka taho niadtong 2021 nga mga 330,000 ka batang French ang giabuso sa mga Katolikong pari ug lay leaders sulod sa pito ka dekada.

Giingnan sa Santo Papa ang gibanabanang 150,000 ka tawo nga nagtambong sa usa ka Misa sa usa ka uma duol sa bantog nga Katolikong shrine sa Lourdes sayo niadtong Domingo nga kinahanglan adunay kaisog ang Simbahan sa pag-atubang sa nangagi niini.

“In order to heal the deep wounds, infidelities and painful errors that have occurred within (the Church), we must humbly place ourselves under the Lord’s purifying gaze,” matod sa unang Santo Papa nga Amerikano.

Matod ni Véronique Garnier, usa sa mga survivor nga nakigkita sa Santo Papa, nabalaka siya sa Misa diin gihisgutan ni Leo ang pag-abuso apan wala direktang mangayo og pasaylo, ug nangutana siya sa iyang kaugalingon nganong mitambong siya.

Apan matod niya, nadasig siya human sa iyang pakigkita kang Leo.

“I do indeed believe there is hope — hope that there can be change and truly listening to us at a deep level, rather than just superficially with beautiful words that are never followed by any real action,” matod niya.

Gihisgutan usab ni Leo ang mga iskandalo sa pag-abuso atol sa usa ka siradong panagkita uban sa mga French bishop niadtong Domingo, sumala sa teksto nga gihatag sa Vatican.

Gipasalamatan sa Santo Papa ang mga bishop tungod sa “courageous measures” nga matod niya ilang gihimo aron atubangon ang mga iskandalo, ug giawhag sila nga palig-onon pa ang mga lakang sa pagpanalipod ug “continue on the path undertaken, maintaining the greatest vigilance.”

Nakadani og dagkong panon sa katawhan ang pagbisita ni Leo sa France. Mga 800,000 ka tawo ang mitambong sa usa ka Misa sa gawas sa Champs-Élysées uban sa Santo Papa sa Paris niadtong Sabado. Giawhag usab niya pag-usab ang kalibotan nga hunahunaon pag-usab ang pagpalambo sa artificial intelligence.

‘CANNOT IGNORE THIS ISSUE’

Direkta nang nangayo og pasaylo si Leo kaniadto tungod sa mga iskandalo sa pag-abuso nga nakadaot sa kredibilidad sa Simbahan sa tibuok kalibotan. Atol sa iyang pagbisita sa Spain niadtong Hunyo, giingnan niya ang mga bishop didto nga kinahanglan nilang paminawon ang mga survivor ug hatagan sila og bayad-pinsala.

Matod ni Bishop Pierre-Antoine Bozo, tigpamaba sa mga French bishop, ang tinguha sa Santo Papa nga adunay maong panagkita “shows that we cannot ignore this issue and that it must always remain among our concerns.”

Naglakip ang iskedyul sa Santo Papa sa France og unom ka kalihokan sa Lourdes, usa ka lungsod sa tiilan sa Pyrenees mountains nga ginabisita sa mga tulo ka milyon ka pilgrim matag tuig aron moadto sa shrine sa Virgin Mary ug sa mga tubod nga gituohang adunay gahum sa pagpang-ayo.

Nalambigit usab ang maong lugar sa usa ka iskandalo nga nagsunod sa Vatican sa milabay nga mga tuig. Adunay serye sa mga mosaic sa atubangan sa shrine nga gihimo ni Rev. Marko Rupnik, usa ka inila nga relihiyosong artist nga adunay kalambigitan sa Vatican ug giakusahan og sexual abuse.

Wala mahibaloi nga mitubag sa publiko si Rupnik sa mga akusasyon batok kaniya, nga gihimo sa kapin 20 ka babaye. Lima sa iyang giingong mga biktima ang nagsulat og open letter ngadto sa Santo Papa niadtong Huwebes, diin hugot nilang gisaway ang nagpadayong paglitis sa Vatican batok sa pari.

Gitabonan og dagkong hinay nga yellow nga trapal ang tag-as nga mga mosaic alang sa pagbisita sa Santo Papa. Pag-abot ni Leo alang sa Misa niadtong Domingo, gisakay siya sa iyang bukas nga popemobile duol sa atubangan sa shrine ug sa gitabunang mga mosaic.

Gihisgutan pag-usab sa Santo Papa ang baruganan sa Simbahan pabor sa kinabuhi didto sa Lourdes, human hugot niyang gisubli niadtong Biyernes ang pagsupak sa Simbahang Katoliko sa mga lakang alang sa assisted dying, duha ka bulan human gihimo sa France nga legal nga katungod ang pagpili nga mamatay alang sa mga adunay sakit nga dili na mamaayo.

Sa iyang pakigkita sa mga boluntaryo nga nagtabang sa masakitong mga pilgrim nga naglaom nga makaangkon og milagro gikan sa tubig sa shrine, giawhag sila ni Leo nga hinumdoman ang “profound meaning” sa pag-atiman sa panglawas.

“That is to care for a suffering person, not to eliminate that person,” matod sa Santo Papa. “Medicine must never become the servant of programmed death!” -Ato ni Bai