Palawan ferry fire, 76 na ang patay human nakakuha pa og mga lawas ang rescuers

Nakuha sa mga rescuer sa Pilipinas ang 41 pa ka nasunog nga mga lawas gikan sa ferry fire, matod sa mga awtoridad niadtong Sabado. Misaka sa 76 ang gidaghanon sa mga namatay, samtang 13 ka tawo ang wala pa mahibaloi ang kahimtang. Nag-atubang usab ang forensic teams sa lisod nga buluhaton sa pag-ila sa mga biktima.

Nagsugod na ang mabinantayong proseso sa pag-ila sa mga biktima human gidala sa pantalan sa Coron ang 30 ka lawas nga nakuha niadtong Biyernes. Gitukod didto ang temporaryong mga tolda aron masusi ug mailhan sa forensic teams ang mga namatay.

Nakita ang mga responder nga nagsul-ob og protective suits nga nagdala og itom nga body bags gikan sa Coast Guard vessel ngadto sa mga tolda, samtang nabalaka nga naghulat sa duol ang mga sakop sa pamilya alang sa balita bahin sa ilang mga minahal.

Usa kanila si Anelyn Magbanua, 37, kansang bana pabalik sa Coron human mibisita sa ilang mga anak sa Manila sa dihang nasunog ang ferry. Kapin sa 130 ka tawo ang sakay sa barko, nga hapit na unta mahuman sa kapin 20 ka oras nga biyahe sa dihang miulbo ang sunog.

"I hope he is not among the dead being brought off the ship. I hope he is alive and has only drifted to another island," matod niya.

"It will be very difficult to accept if he's really gone," matod niya. "He loved his children very much."

Unang nakasulod ang mga bombero sa ferry niadtong Biyernes human mapalong ang sunog, kapin usa ka adlaw human kini miulbo. Tungod niini, naabot sa mga awtoridad ang mga bahin sa barko nga lisod sudlon tungod sa baga nga aso ug grabeng kainit. Matod sa Coast Guard, nakit-an ang nasunog nga mga lawas sa economy accommodation section sa ferry.

Gipakita sa mga hulagway nga gipagawas sa Coast Guard ang grabeng kadaot sa sulod sa barko. Nangapiko tungod sa grabeng kainit ug natabonan sa abo ang mga han-ay sa steel bed frames. Sa pipila ka hulagway, makita ang daw mga kalabera taliwala sa mga naguba nga bahin sa barko.

Matod ni Philippine Coast Guard official Geronimo Tuvilla sa press conference niadtong Sabado, prayoridad karon ang pag-ila sa mga biktima ug pagtino sa hinungdan sa sunog.

Base sa gisulti sa mga naluwas, duha ka pagbuto ang nadungog sa sulod sa barko sa wala pa miulbo ang sunog, matod sa Maritime Industry Authority.

Usa ka survivor nga giinterbyu sa GMA News ang nakahinumdom nga una siyang nakakita og gamay nga aso nga nahimong kalayo ug paspas nga mikaylap sa ferry sulod lamang sa pipila ka segundo.

Wala pa usab mahibaloi ang kahimtang sa kapitan sa barko. Matod ni Coast Guard spokesperson Commodore Noemie Cayabyab sa maong press conference, nakadawat siya og impormasyon nga buhi ang kapitan, apan wala ang iyang ngalan sa listahan sa 43 ka kumpirmadong naluwas.

Ang sunog mao ang pinakabag-o sa sunod-sunod nga makamatay nga maritime accidents sa Pilipinas, nga adunay kapin sa 7,600 ka isla ug diin milyon-milyong tawo ang nagsalig sa mga ferry ug gagmayng sakayan sa pagbiyahe tali sa mga probinsya ug isla.

-Ato ni Bai