Pag-ila sa mga biktima sa Palawan ferry fire posibleng molungtad og mga bulan

CORON - Gipahayag sa mga awtoridad sa Pilipinas niadtong Domingo nga posibleng molungtad og pipila ka semana o mga bulan ang pag-ila sa mga biktima sa sunog sa ferry nga nakapatay og 76 ka tawo. Nagsugod na ang forensic experts sa pagkuha ug pagtandi sa DNA samples gikan sa nasunog nga mga lawas, samtang gitino sa mga imbestigador ang hinungdan sa usa sa pinakagrabeng maritime disasters sa nasod sa bag-ohay nga mga tuig.

Nakit-an nga nagtapok ang pipila ka mga lawas sa pipila ka bahin sa barko, matod ni forensic specialist Richard Allan Mangalip sa Philippine National Police, samtang ang uban nagkatag sa nagkalainlaing bahin sa barko. Kapin sa 130 ka tawo ang sakay sa ferry ug hapit na kini moabot sa destinasyon sa dihang nasunog.

Padulong sa southwest gikan sa Manila ngadto sa Coron sa Palawan ang ferry, usa ka biyahe nga kasagarang molungtad og mga 20 ka oras.

"Most of them are already in a charred condition," matod ni Mangalip sa press conference. Gidugang niya nga dili pa makahatag ang mga awtoridad og klarong timeframe sa pag-ila sa mga biktima tungod sa kadaghan sa mga specimen nga kinahanglan susihon. "It could be weeks, or it could be much longer."

Gihatag ang maong assessment usa ka adlaw human nakuha sa mga rescuer ang 41 pa ka mga lawas gikan sa ferry, nga nagpasaka sa gidaghanon sa mga namatay ngadto sa 76, samtang 13 ka tawo ang wala pa mahibaloi ang kahimtang.

Matod sa mga opisyal, posible pang adunay makit-an nga dugang nga mga lawas tungod kay wala pa hingpit nga nasusi sa mga imbestigador ang mga bahin sa barko nga napuno sa tubig.

Unang nakasulod ang mga bombero sa ferry niadtong Biyernes human mapalong ang sunog, kapin usa ka adlaw human kini miulbo.

Gipakita sa mga hulagway nga gipagawas sa Coast Guard ang grabeng kadaot sa sulod sa barko, diin nangapiko tungod sa grabeng kainit ug natabonan sa abo ang mga han-ay sa steel bed frames.

Wala pa mahibaloi sa mga imbestigador kung asa nagsugod ang sunog ug padayon pa nilang gisulayan nga maabot ang importanteng mga bahin sa barko, lakip ang ubos nga mga deck nga napuno sa tubig ug ang engine room, diin posibleng adunay ebidensiya nga makatabang sa paghibalo sa hinungdan sa sunog.

Base sa gisulti sa mga naluwas, duha ka pagbuto ang nadungog sa sulod sa barko sa wala pa miulbo ang sunog, matod sa Maritime Industry Authority.

Matod sa representante sa shipowner nga Atienza Inter-Island Ferries sa maong press conference, hingpit nga nakigtambayayong ang kompanya sa mga imbestigador ug padayon kining motabang sa mga pamilyang naapektuhan.

Ang sunog mao ang pinakabag-o sa sunod-sunod nga makamatay nga maritime accidents sa Pilipinas, nga adunay kapin sa 7,600 ka isla ug diin milyon-milyong tawo ang nagsalig sa mga ferry ug gagmayng sakayan sa pagbiyahe.

-Ato ni Bai