Nagoya Asian Games ablihan human sa sunod-sunod nga problema

Ablihan ang 20th Asian Games sa Nagoya niadtong Sabado, samtang nag-atubang ang organizers og mga pagsaway human sa sunod-sunod nga problema sa operasyon ug logistics atol sa pagpangandam alang sa dakong multi-sport event.

Lima ka tuig human gihimo ang Tokyo Olympics nga walay mga tumatan-aw sa venues tungod sa COVID-19 restrictions, ablihan sa Japan ang mga pultahan alang sa fans sa opening ceremony sa Mizuho Park Athletic Stadium sugod alas 6 sa gabii (0900 GMT).

Naglaum ang local organizing committee nga mahimong hapsay ang ceremony ug makahatag og positibong pagsugod sa Games human sa daghang reklamo gikan sa athletes ug officials bahin sa accommodation ug transportasyon.

Nasusi pag-ayo ang reputasyon sa Japan sa katukma ug kaepektibo samtang giabiabi sa nasod ang kapin sa 11,000 ka athletes gikan sa 45 ka nasod ug rehiyon nga magkompetensya alang sa 369 ka gold medals sa 43 ka sports.

Imbis magtukod og kaugalingong Games village, gipapuyo sa organizers ang athletes ug officials sa nagkalainlaing hotel rooms, temporaryong wooden containers ug usa ka cruise ship nga nakadaong sa bay isip paagi sa pagpakunhod sa gasto.

Daghang national team delegations, lakip ang host nga Japan, ang wala matagbaw sa accommodation arrangements tungod sa mga kalibog ug double-bookings. Gipahayag usab sa South Korea nga huot kaayo ang mga container sa Garden Pier alang sa ilang basketball players.

Ang cricket board sa India mismo ang nangitag laing kapuy-an alang sa star-studded men's cricket team niini sa usa ka lahi nga hotel tungod sa limitadong gidaghanon sa higdaanan nga gigahin sa organizers.

Nagreklamo usab ang mga delegasyon bahin sa dugay nga paghulat sa registration sa athletes sa ilang pag-abot, ingon man sa mga bus nga maulahi o magdala sa athletes ngadto sa sayop nga venues.

Giila sa Olympic Council of Asia, nga nagdumala sa Games nga gihimo matag upat ka tuig, ang mga problema niadtong Sabado apan gipamenos niini ang kabug-at sa mga isyu isip mga problema lamang sa pagsugod.

"From what I've seen, the local authorities here have been solving any issues that are happening, and I think now that everyone is settled, everything is hopefully being on track," matod ni OCA President Sheikh Joaan bin Hamad Al Thani sa reporters.

Naglaum ang organizers nga ang opening ceremony nga gidirekta ni Yukihiko Tsutsumi makatapos sa mga problema nga mitumaw atol sa pagpangandam.

Ang theme niini nga "Harmonic Heart Beat" gitumong sa pagpakita sa panaghiusa sa Asia sa usa ka event nga sagad maapektuhan sa geopolitical tensions ug dugay nang mga panagbangi.

Apan naapektuhan na ang paglaum alang sa malinawon nga Games tungod sa pipila ka insidente bisan wala pa opisyal nga maablihi ang event.

Temporaryong mibalibad ang delegation sa Taiwan sa pag-apil sa ilang welcoming ceremony niadtong Biyernes human wala tugoti nga motambong si sports minister ug kanhing Olympic champion Lee Yang.

Nasuko ang South Korean men's hockey team sa dihang ang national anthem sa North Korea ang gipatukar sa stadium sa wala pa ang usa ka match imbis ang ilang kaugalingong national anthem.

Bisan nagsugod na ang mga kompetisyon sa basketball, soccer ug ubang sports, ang unang gold medal igahin sa Domingo, nga lagmit sa triathlon.

Magsugod usab sa Tokyo sa Domingo ang usa ka high-level swimming competition nga apilan ni China's 100-meter freestyle world record holder Pan Zhanle ug 13-anyos nga sensation Yu Zidi.

Gawas sa traditional Olympic sports, ipahigayon usab sa Games ang regional favorites nga kabaddi ug sepak takraw, uban sa mas modernong events.

Maghatag pag-usab og medals ang esports human sa debut niini sa Hangzhou, samtang ang teqball, nga kombinasyon sa table tennis ug soccer, ug "virtual taekwondo" unang higayon nga iapil sa Games.

-Ato ni Bai