Mga suba sa kalibotan nakasinati sa usa sa pinakauga nga tuig — WMO

Nakasinati ang mga suba sa tibuok kalibotan sa usa sa ilang pinakauga nga tuig sulod sa mga dekada niadtong 2025, matod sa World Meteorological Organization (WMO) niadtong Huwebes. Nagpakita kini sa padayon nga pag-ubos sa gitipig nga tubig sa ibabaw sa yuta ug nagpatunghag kabalaka bahin sa suplay sa tubig sa umaabot.

Padayon nga miubos sulod sa usa ka dekada ang terrestrial water storage sa groundwater, mga lanaw, tanom, yelo ug niyebe, sumala sa WMO State of Global Water Resources report.

Gipasidan-an sa United Nations agency ang "serious future implications" niini nga trend tungod kay ang maong mga reserba sa tubig nagsilbing buffer sa planeta panahon sa grabeng kauga nga mga tuig, sama karong tuiga.

“We are depleting that savings account. Global terrestrial water storage has shown a declining trend since 2014–2016 — a persistent, decade-long signal," matod ni WMO Secretary-General Celeste Saulo sa usa ka pahayag nga gipagawas uban sa report.

Narekord ang ubos sa normal nga agos sa tubig sa kapin sa ikatulo ka bahin sa mga river basin sa kalibotan, sumala sa datos sa WMO. Ang 2025 usa sa pinakauga nga mga tuig alang sa mga suba sa tibuok kalibotan sulod sa 35 ka tuig nga pagkolekta og datos.

Apan sobra usab ang tubig sa pipila ka river basin, sama sa pipila ka bahin sa South Asia, nga nagpakita sa mas dili regular ug lisod matag-an nga water cycles, matod sa report.

Narekord usab ang dakong pagkawala sa mga glacier sa tanang rehiyon niadtong 2025 sa ikaupat nga sunod-sunod nga tuig, matod sa report, nga posibleng mosangpot sa dugayng kawalay kasiguruhan sa suplay sa tubig.

-Ato ni Bai