International Criminal Court, nakadaog sa EU's 2026 Sakharov Prize
Nakadaog ang International Criminal Court (ICC) ug ang mga opisyal niini sa 2026 Sakharov human rights prize sa European Union (EU), sumala sa gipahibalo ni European Parliament President Roberta Metsola niadtong Huwebes, wala pay duha ka semana human gihatagan og Nobel Peace Prize si kanhi ICC Judge Navi Pillay.
-Bart Meijer / Reuters; Gihubad ni Herli Mae Virador, Ato ni Bai
October 24, 2026 at 7:45:02 AM
FILE PHOTO: Nagbarog ang mga tawo sa gawas sa International Criminal Court (ICC) sa The Hague, Netherlands, Setyembre 22, 2025, samtang gikonsiderar sa United States ang pagpahamtang og mga silot batok sa tibuok International Criminal Court, nga posibleng ipatuman sulod nianang semanaha. REUTERS/Piroschka van de Wouw/File Photo
Piroschka van de Wouw / File Photo / Reuters
Nakadaog ang International Criminal Court (ICC) ug ang mga opisyal niini sa 2026 Sakharov human rights prize sa European Union (EU), sumala sa gipahibalo ni European Parliament President Roberta Metsola niadtong Huwebes, wala pay duha ka semana human gihatagan og Nobel Peace Prize si kanhi ICC Judge Navi Pillay.
"The EU is built on respect for multilateralism and international institutions," matod ni Metsola samtang gipahibalo niya ang maong award, nga gisugat sa pagbarog ug pagpakpak sa mga miyembro sa EU Parliament sa Strasbourg.
"And this prize recognises the important work of the court in upholding international law and justice."
Kini ang ikaduhang internasyonal nga pag-ila nga nadawat sa korte nga nagdumala sa mga kaso sa war crimes karong bulana, ug nahitabo wala pay duha ka semana human gipahibalo ni US President Donald Trump ang mga sanction batok sa korte.
Ang Nobel award ni Pillay gilantaw sa kadaghanan isip pagpakita og suporta sa ICC nga nag-atubang og dagkong hagit.
Dugay nang gipunting ni Trump ang ICC nga nakabase sa The Hague, ug misamot ang iyang kampanya batok niini sukad gipahibalo sa korte niadtong 2024 ang mga arrest warrant batok kang Israeli Prime Minister Benjamin Netanyahu ug sa iyang kanhi defence minister.
Miingon si ICC President Tomoko Akane nga ang "unprecedented challenges" nga giatubang sa korte naghimo sa maong award nga mas makahuluganon.
"It underscores the importance of continued international cooperation and support to enable the court to carry out its mandate independently and impartially, in the service of justice and the victims of the gravest crimes," matod sa Japanese nga huwes.
"There is no peace without justice and no security without law."
Ang maong award sa EU, nga ginganlan sunod sa namatay nang Soviet dissident nga si Andrei Sakharov, tinuig nang gihatag sukad 1988 ngadto sa mga indibidwal ug organisasyon nga nanalipod sa human rights ug mga kagawasan.
-Bart Meijer / Reuters; Gihubad ni Herli Mae Virador, Ato ni Bai
%20(100%20x%20100%20px).png)
