Chinese player Wang mipakyas sa paglaom ni Alex Eala nga makakuha og gold sa Asian Games

Napakyas ang paglaom ni Alex Eala nga makuha ang iyang unang Asian Games gold medal ug qualification sa 2028 Los Angeles Olympics tennis tournament niadtong Huwebes human mibawi ang Chinese player nga si Wang Xiyu aron pildihon ang Filipino top seed, 3-6, 6-3, 6-2.

Nakuha ni Eala, ang unang WTA title winner sa Southeast Asian nation ug paborito sa mga fan sa tour, ang iyang ikaduhang singles bronze medal ug ikatulong medalya sa kinatibuk-an, human usab niya makuha ang mixed doubles bronze sa Hangzhou tulo ka tuig ang milabay.

Gibiyaan sa 21-anyos nga si Eala ang kahigayonan nga makakuha og ranking points ug prize money sa dungan nga China Open aron irepresentar ang Philippines sa Nagoya, ug posible siyang mamultahan ug makadawat og ranking penalty gikan sa WTA tungod sa iyang paglaktaw sa mandatory event sa Beijing.

Miingon si Eala nga wala siya nagmahay.

"I'm really happy to have experienced this, to experience the support ... and to be with the team and, yeah, to compete for the country," matod niya sa mga reporter.

Padulong na unta sa iyang unang Asian Games final ang world number 18, apan mikunhod ang lebel sa iyang duwa sa second set sa wala pa siya naulahi og 4-1 sa third set.

Nalikayan sa 85th-ranked nga si Wang ang mga break point batok kang Eala nga nagkaanam og kadesperado, sa wala pa niya tapuson ang duwa nga walay puntos nga nakuha si Eala sa kataposang game sa Higashiyama Park Tennis Center.

"(Wang) was more consistent. I had a couple of ups and downs during the match which is something I have to talk to my team about and process," matod ni Eala.

Atubangon ni Wang ang 37-anyos nga si Zhang Shuai sa all-China final.

Posibleng lisod ang iyang duwa batok kang Zhang, kanhi Wimbledon ug Australian Open quarter-finalist, nga mipildi sa Kazakh nga si Yulia Putintseva, 6-4, 6-2.

Nakadaog na si Zhang og medalya sa tulo ka miaging Asian Games, lakip ang silver sa 2018 singles sa Jakarta ug team gold sa iyang home Games sa Guangzhou niadtong 2010.

Kapin na siya sa 40 anyos sa pagsugod sa sunod nga Games sa Doha sa 2030, apan wala niya isalikway ang posibilidad nga moduwa gihapon.

"I always feel like this may be my last Games. But look, aren’t I here again?" matod niya.

"As long as you don’t give up on yourself, no one else in this world can give you that death sentence.”

-Ato ni Bai