Siyudad sa Romania Nahimong Open-Air Theatre Tungod sa Festival sa mga Puppet

Nahimong dakong open-air theatre ang mga kadalanan sa Craiova tungod sa dagkong marionette nga gisidlakan og mga suga, samtang miapil ang mga puppeteer, circus artist ug ubang performer sa pagbukas sa tinuig nga “Puppets Occupy Street” festival, usa ka walo ka adlaw nga kalihokan nga nagbag-o sa Romanian city ngadto sa usa ka dakong entablado sa gawas.

Nagpakuha og litrato ang mga bata tupad sa tag-as kaayong mga puppet sa wala pa nagparada sa sentro sa siyudad ang hayag nga mga puppet atol sa prosesyon sa gabii nga nagtimaan sa pagsugod sa festival niadtong Martes (Setyembre 1).

Ang festival karong tuiga, nga adunay temang “Stardust”, gihimo isip usa ka panaw latas sa kawanangan, matod sa mga organizer.

Kapin sa 150 ka artist ug theatre companies gikan sa 15 ka nasod ang miapil sa kalihokan, nga adunay mga pasundayag, workshop, concert ug exhibition sa nagkalainlaing bahin sa Craiova.

Ang pipila sa mga marionette sa festival moabot og lima ka metros (16 ft) ang gitas-on, samtang ang dagkong parade float ug theatre groups gikan sa mga nasod lakip ang Japan, Brazil, Argentina ug Italy miadto aron moapil.

Sukad gilusad niadtong 2014, mitubo ang festival ug nahimong usa sa mga nag-unang puppetry ug street theatre events sa Europe, diin gihulagway kini sa mga organizer nga ikaduha lamang sa France’s Avignon Festival sa kasikat. -Ato ni Bai