top of page
Bai (150 x 150 px) (100 x 100 px).png

Shuvee Etrata Dawaton Kon Mahigugma si Anthony Constantino sa Laing Housemate sa PBB

Walay problema kang Shuvee Etrata ang posibilidad nga mahigugma sa laing tawo ang iyang manliligaw nga si Anthony Constantino samtang anaa kini sa sulod sa “Pinoy Big Brother” house isip bag-ong housemate.

Kim Asis, Paraluman News; Gihubad ni Alex Destor, Ato ni Bai

October 28, 2026 at 9:32:41 AM

Hulagway sa ni Anthony Constantino ug Shuvee Etrata nga nagtapad ug nagpahiyom samtang nagpa-picture.

Tungod kay nasinati na mismo ni Shuvee ang pagpuyo sulod sa PBB house, nasabtan niya nga ang mga pagbati mahimong motubo sa wala damha.

Instagram account ni Shuvee Etrata

Walay problema kang Shuvee Etrata ang posibilidad nga mahigugma sa laing tawo ang iyang manliligaw nga si Anthony Constantino samtang anaa kini sa sulod sa “Pinoy Big Brother” house isip bag-ong housemate.


Atol sa iyang TikTok livestream, binuang nga gitubag sa 25-anyos nga si Shuvee ang komento nga nangutana kon unsay iyang buhaton kung adunay mahigugma kang Anthony sulod sa balay.


“Paano kapag may nagkagusto sa kanya?” iyang gibasa. Giila sa aktres nga ang 24-anyos nga si Anthony adunay madanihong personalidad nga dali makakuha sa atensyon sa uban.


“Okay lang. Sinong hindi magkakagusto dun, be? Na para bang hindi ko na ’yan inisip,” matod niya. Gihisgotan usab ni Shuvee ang posibilidad nga si Anthony mismo ang mahigugma sa laing housemate samtang nakig-estorya siya sa iyang makeup artist.


“Baka iniisip nila, what if daw, ma-fall si Anthony dun sa loob?” matod niya. Bisan giangkon niyang masakitan siya kon mahitabo kini, matod ni Shuvee nga si Anthony gihapon ang magdesisyon.


“Nasa sa kanya na iyon. Masasaktan ako, yes, pero at least makikilala natin siya." Gipunting usab niya nga ang pagpuyo ni Anthony sa PBB house maghatag og oportunidad sa mga tawo nga mas mailhan pa kini.


Tungod kay nakasinati na usab siya sa pagpuyo sulod sa PBB house, nasabtan ni Shuvee nga ang pagbati sa usa ka tawo mahimong motubo nga wala damha. Imbis mabalaka sa mga butang nga wala pa mahitabo, nagpabilin siyang kompiyansa sa iyang kaugalingon ug gipili nga atubangon ang mga panghitabo kon moabot na kini.


Gipahimuslan usab niya ang higayon aron maghatag og tambag bahin sa tradisyonal nga pagpanguyab, ilabina sa mga batan-ong babaye, bisan pa sa mga kausaban sa pagpanguyab tungod sa teknolohiya.


“I think it's just right. Especially to the younger generation, ’yung mga babae dyan. Magpaligaw kayo,” matod niya.


“Tsaka kung ma-realize ng lalaki na hindi talaga kayo ang gusto niya, tanggapin ninyo," dugang niya. "Na para bang wala nang manliligaw sa inyo. Meron at meron ’yan. Be secured with yourself. Kasi I know my worth."


Kapin na sa usa ka tuig nga nanguyab si Anthony kang Shuvee. Bisan wala pa nila opisyal nga gikumpirma ang ilang relasyon, nagkatrabaho na silang duha isip magkaparis sa mga pasundayag, lakip sa digital series nga "From Vlog to Love."


Kaniadto, nahimong ulohan sa mga balita si Shuvee atol sa iyang pag-apil sa PBB human niyang gibutyag ang iyang pagdayeg sa aktor nga si Donny Pangilinan, nga iyang gihulagway nga “TDH,” o tall, dark, and handsome.


Daling mikaylap sa social media ang maong acronym ug nahimong trending topic ug sikat nga meme niadtong panahona. Sa ulahi, gibutyag niya nga si Anthony ang iyang tinuod nga “TDH.”


Opisyal nga misulod si Anthony sa Pinoy Big Brother Collab 3.0 house niadtong miaging Sabado.


-Kim Asis, Paraluman News; Gihubad ni Alex Destor, Ato ni Bai

bottom of page