SB19 Mokanta sa Opisyal nga Theme Song sa ASEAN 2026
Mopasundayag ang SB19 sa closing ceremony sa 49th ASEAN Summit and Related Summits karong Martes, Nobyembre 17. Kantahon sa grupo ang opisyal nga theme song sa summit nga "Together in Motion."
Kim Asis / Paraluman News; Gihubad ni Alex Destor / Ato ni Bai
November 17, 2026 at 10:55:59 AM
Released last month, the song's accompanying music video features SB19 performing the track, along with scenes showcasing the cultures, destinations, and people of ASEAN member states.
From the Facebook page of SB19
Mopasundayag ang SB19 sa closing ceremony sa 49th ASEAN Summit and Related Summits karong Martes, Nobyembre 17. Kantahon sa grupo ang opisyal nga theme song sa summit nga "Together in Motion."
Gipahibalo sa Department of Tourism (DOT) niadtong Lunes ang pag-apil sa SB19 ug giimbitar ang ilang mga fans ug ang publiko nga motan-aw sa ilang pasundayag nga live sa alas 5 sa hapon karong Martes pinaagi sa opisyal nga ASEAN 2026 Philippines Facebook page.
Gipagawas niadtong miaging bulan ang kanta ug ang music video niini nga nagpakita sa SB19 nga nagpasundayag, uban sa mga talan-awon nga nagpaila sa kultura, mga destinasyon, ug katawhan sa mga nasod nga miyembro sa ASEAN. Gipakita usab sa pasundayag ang papel sa SB19 sa pagpaila sa Pilipinas ngadto sa mga tawo sa ubang nasod.
Sayo ning tuiga, gipili sa DOT ang mga miyembro sa SB19 nga sila Pablo, Josh, Stell, Ken, ug Justin isip mga tourism ambassador sa nasod, kauban ang laing P-pop group nga BINI.
Bag-ohay lang usab nga nakadawat og nominasyon ang SB19 ug BINI isip managlahing grupo sa Best Asian Pop Performance category sa Grammys. Mopasundayag usab ang SB19 sa 2027 Coachella Valley Music and Arts Festival sa California.
Gikatakdang mopasundayag ang grupo sa Abril 10 ug 17 sa Coachella, human sa unang pag-apil sa BINI niadtong Abril 2026, nga maoy unang higayon nga usa ka Filipino group nga natukod sa Pilipinas nakapasundayag sa maong festival. -Kim Asis / Paraluman News; Gihubad ni Alex Destor / Ato ni Bai
%20(100%20x%20100%20px).png)
