'Revenge dress' ni Princess Diana gipakita sa London sa wala pa ang auction

Gipakita sa London niadtong Biyernes ang “revenge dress” ni Princess Diana, pipila ka adlaw human mitungha ang bag-ong mga alegasyon bahin sa reaksyon ni King Charles sa iyang kamatayon, samtang nagpabilin ang dakong impluwensiya sa gitawag nga “people's princess” sa royal family hapit 30 ka tuig ang milabay.

Nahimong simbolo ang maong sinina sa panagbangi tali ni Charles ug Diana atol sa ilang publiko nga panagbulag sa sayong bahin sa 1990s, sa dihang mipakita si Diana sa publiko nga nagsul-ob sa off-the-shoulder nga itom nga silk dress wala madugay human giangkon ni Charles ang iyang infidelity.

Nibalik karong semanaha ang pag-usisa sa ilang problemadong relasyon tungod sa mga excerpt nga gipatik gikan sa umaabot nga libro sa igsoon ni Diana nga si Charles Spencer, kinsa nag-akusar sa hari nga "giddily elated" dayon human sa iyang kamatayon.

Gisalikway sa Buckingham Palace ang mga alegasyon, nga nag-ingon nga posibleng naapektuhan sa kasubo tungod sa pagkawala ni Diana ang panumduman sa author.

USA KA MAPANGAHASON NGA SININA

Gipakita ang sinina sa Sotheby's, ang unang hunonganan niini sa world tour nga moagi sa Hong Kong, Geneva ug New York, nga nagpakita sa padayon ug tibuok kalibotang pagdayeg kang Diana.

I-auction kini sa kataposang hunonganan sa Disyembre, nga adunay gibanabanang presyo tali sa $150,000 ug $300,000.

Ang pagsul-ob ni Diana niini niadtong 1994 kay kaylap nga nakita isip pagpakita sa iyang kalig-on samtang dakong atensyon sa publiko ang mga detalye sa panagbulag sa royal couple — usa ka interes nga kusog nga nibalik karong semanaha.

Human maulawan tungod sa affair sa iyang bana kang Camilla, nga gipangasawa ni Charles niadtong 2005, gipili ni Diana ang sinina nga dugay nang naa sa iyang wardrobe apan kaniadto iyang giisip nga sobra ka daring.

"We can imagine it's a night where she had to decide — whether I go and what do I wear?" matod ni Morgane Halimi, Global Head of Handbags and Fashion sa Sotheby's, sa Reuters.

"So she decided to wear something that would make her look the most beautiful, the most powerful," dugang ni Halimi.

"It's about being self-assured, being empowered, and not only the negative part of the revenge, but really this is my life and I stand up for myself."

‘HER STORY WILL NEVER DIE’

Samtang nagdugok ang mga tawo aron makita ang sinina niadtong Biyernes, nanguna sa newspaper front pages, airwaves ug mga panaghisgot sa Britain ang mga alegasyon ni Spencer. Nagpakita kini sa hagit nga giatubang sa 77-anyos nga hari, kinsa nagpabiling nalambigit sa usa ka problemadong kaminyoon nga gibasol sa pagkadaot sa sikat kaayong si Diana.

"Everybody liked her, so her story will never die," matod ni Merete Lund Jensen, usa ka 54-anyos nga paediatric nurse, sa Reuters.

Gawas sa iyang estilo, nailhan si Diana sa natural niyang pagpakita og pagmahal sa iyang pakigkita sa mga homeless, mga bata sa ospital ug AIDS patients, usa ka kainit sa pagpakig-uban nga lahi sa mas pormal nga pamaagi ni King Charles.

36 anyos si Diana sa dihang namatay siya sa car crash sa Paris niadtong 1997, ug nabiyaan niya ang iyang mga anak nga sila Princes William ug Harry, nga 15 ug 12 anyos niadtong panahona. Nahuman ang divorce nila ni Charles usa ka tuig sa wala pa siya namatay.

Niadtong panahona, ang kamatayon ni Diana nakapahinabo og krisis sa monarchy. Ang pormal ug dili kaayo emosyonal nga tubag sa royal family lahi kaayo sa dakong pagbangotan sa tibuok nasod, nga nakapahinabo og kaylap nga kasuko sa publiko ug nagpugos sa institusyon nga usbon ang pamaagi niini ug magsugod sa pagpakita sa emosyon nga gipaabot sa publiko.

Apan kusganong gisalikway sa Buckingham Palace ang alegasyon ni Spencer nga "giddily elated" ang hari tungod sa kamatayon ni Diana.

Mitungha ang mga alegasyon ni Spencer sa lisod nga panahon alang sa hari, kinsa padayon nga nagpatambal sa cancer, naningkamot nga ayohon ang relasyon sa iyang anak nga si Harry, ug nag-atubang sa mga epekto sa pagdakop sa iyang manghod nga si Andrew Mountbatten-Windsor.

Ang libro, nga sunod-sunod nga gipatik sa Daily Mail ug ipagawas sa Martes, nag-angkon nga miingon si Charles bahin kang Diana nga "we'll forget her soon enough".

Misulat ang iyang igsoon: "Unlike my other callers, who were stunned, barely able to articulate their condolences and offers of help, he sounded giddily elated – like a lottery winner, I remember thinking at the time."

Miingon ang Buckingham Palace spokesperson niadtong Miyerkules: "While we do not comment on books as a matter of principle, His Majesty is mindful that the pain of fraternal grief can cloud reason, affect judgment and colour memory in ways others do not recognise, even many years after such a loss."

Matod ni royal commentator Afua Hagan, ang reaksyon sa Buckingham Palace nagpakita nga bisan 29 ka tuig human sa kamatayon ni Diana, wala gihapon hingpit nga nasabtan sa royal family kung unsa siya gihigugma sa publiko.

"I do think it was quite cold, quite aloof, and that kind of harks back to what people said about the royal family in those days after Princess Diana died. It's definitely not a good look," matod niya sa Reuters.

-Ato ni Bai