Prince William, mipaambit sa iyang hilig sa pelikula ug pangandoy nga mahimong DJ
Gipaambit ni Prince William ang iyang hilig sa mga pelikula ni Christopher Nolan ug ang iyang pangandoy kaniadto nga mahimong DJ atol sa iyang pag-guest sa usa ka British television talk show niadtong Biyernes aron ipasiugda ang iyang tinuig nga award alang sa mga inobasyon sa pagbatok sa climate change.
Sarah Young / Reuters; Gihubad ni Herli Mae Virador, Ato ni Bai
October 24, 2026 at 11:26:17 AM
Si Prince of Wales, Cate Blanchett, Hannah Waddingham, ug Robert Irwin atol sa pag-shoot sa Graham Norton Show sa BBC Studioworks 6 Television Centre, Wood Lane, London, nga ipasalida sa BBC One sa Biyernes sa gabii, Oktubre 22, 2026.
Matt Crossick / Assignments / Press Association
Gipaambit ni Prince William ang iyang hilig sa mga pelikula ni Christopher Nolan ug ang iyang pangandoy kaniadto nga mahimong DJ atol sa iyang pag-guest sa usa ka British television talk show niadtong Biyernes aron ipasiugda ang iyang tinuig nga award alang sa mga inobasyon sa pagbatok sa climate change.
Ang 44-anyos nga sunod nga manununod sa trono kanunay nang makita sa dili kaayo pormal nga mga programa sa miaging mga tuig aron mas makonektar sa mga batan-ong audience, lakip ang Radio One, usa sa kinadak-ang estasyon sa UK alang sa mga tawo nga ubos sa 30 anyos, ug mga sports podcast.
Gisurpresa ni William ang mga celebrity guest, lakip ang mga aktor nga sila Cate Blanchett ug Hannah Waddingham, sa dihang miapil siya kanila sa sofa alang sa usa ka episode sa BBC's Graham Norton Show, nga gikatakdang ipasalida sa ulahing bahin sa Biyernes.
Sa dihang gipangutana kon giunsa niya pagpahayahay, miingon siya nga malingaw silang magpamilya sa pagtan-aw sa reality show nga The Celebrity Traitors, samtang siya mismo mas ganahan sa musika ug mga pelikula.
"I'm a big fan of everything Christopher Nolan does. His films are fantastic – The Dark Knight series is psychologically dark and deep and I absolutely love that," matod ni William.
"He takes concepts that are completely out there and makes them incredibly entertaining."
Sa wala pa niya madawat nga ang iyang umaabot nga katungdanan mao ang pagkahari, miingon siya nga gusto kaniadto nga mahimong pulis.
"Then I went through a phase of wanting to be a DJ – I wasn’t very good," matod niya.
Sa miaging mga tuig, naningkamot si William nga magpaambit og pipila ka bahin sa iyang personal nga kinabuhi, apan naglikay nga magpadayag og sobra bahin sa mga hagit sa pagpuyo nga kanunay naa sa atensiyon sa publiko.
Duha ka tuig na ang milabay, ang iyang amahan nga si King Charles ug ang iyang asawa nga si Kate parehong nagsugod sa pagtambal sa cancer. Anaa na karon sa remission ang iyang asawa, samtang nagpadayon pa ang pagtambal ni Charles. Wala usab sila magkaayong managsoon ni Prince Harry sulod sa mga unom ka tuig, human nagpatik si Harry og libro nga nagdetalye sa pagkadaot sa ilang relasyon ug balik-balik nga gisaway ang royal family.
Bahin sa The Earthshot Prize, nga iyang gitukod unom ka tuig na ang milabay aron hatagan og £1 milyon ang matag usa sa lima ka mananaog isip pondo sa ilang mga ideya sa pagpanalipod sa kalikopan, miingon si William nga tumong niini ang paghatag og paglaom sa usa ka isyu nga sagad makapaluya sa pagbati.
"There are some amazing people out there doing things to protect the world," matod niya.
-
%20(100%20x%20100%20px).png)
