Pilar Pilapil ug Gelli de Belen bilib sa pagdirek ni Louie Ignacio sa ‘Mantsa’

Gidayeg nila Pilar Pilapil ug Gelli de Belen si director Louie Ignacio human nila mismo masinati ang iyang estilo sa pagdirek atol sa filming sa “Mantsa.”

Alang sa veteran actress ug former beauty queen nga si Pilar, 75, kini ang unang higayon nga nakatrabaho niya si Ignacio ug nalipay siya sa ilang experience.

“I think it’s my first time working with him and I did enjoy working with him. Magaan siya [katrabaho] and he knows what he’s doing.”

Gidayeg usab ni Gelli, 53, ang creativity ni Ignacio, ilabi na sa visuals ug camera shots sa pelikula.

“And the shots are really beautiful. The shots with director Louie, he’s so creative when it comes to shots, vision.”

Gihinumdoman ni Pilar ang usa ka eksena nga talagsaon para kaniya. “There was a shot that he did of me where ‘yung hands ko, I was acting with my hands and that’s the first time I did it in my whole career and I’m really looking forward to that scene.”

Nakita usab ni Gelli ang preview sa maong eksena human kini gipakita ni Ignacio kanila ug miuyon siyang nindot ang resulta. “Because it’s maganda. I saw the video pinakita ni Direk,” dugang ni Gelli.

Gihisgutan usab sa duha ka aktres ang ilang pamaagi sa pag-arte sa pelikula, diin ilang gipasiugda nga importante nga natural ang performance ug likayan ang sobra nga pag-arte.

“No overacting whatsoever,” matod ni Pilar.

“We tried our best. We tried our best not to overact,” dugang ni Gelli.

Matod usab ni Pilar, “No overacting. You know, acting is no acting, actually.”

“Iyan nga ang sabi ni Eric Morris,” matod ni Gelli, nga nagtumong sa mga pagtulon-an sa bantog nga acting coach.

“Exactly,” tubag ni Pilar.

Giawhag usab ni Pilar ang publiko nga motan-aw sa pelikula ug mipahayag og pagsalig nga malingaw ang mga manan-aw niini.

Produced by Dragon Entertainment Productions, ang “Mantsa” (Stain) mao ang comeback film ni Pilar. Ang psychological suspense thriller gidirek ni Ignacio, nga nailhan usab sa “Annie B.,” “Pangarap Ko ang Ibigin Ka,” “Laut,” “Area,” “Litrato,” ug “AbeNida.”

Kauban nila sa pelikula sila Shira Tweg ug Kai Flores, uban sa special participation nila Janice De Belen ug Snooky Serna. Apil usab sa cast sila Lloyd Samartino, LA Santos, Bo Bautista, Than Perez, Ghia Garcia, Mill Marzo, RJ Ariar, Jass dela Torre, Raine Barreto, Miles Poblete, ug Dino Guevarra.

Ang original story sa pelikula gikan kang Bambbi Fuentes, samtang ang screenplay gisulat ni Krista Taclan-Fuschs.

Anaa na sa YouTube ang official trailer sa “Mantsa,” nga naghatag og unang pagtan-aw sa suspense ug thriller elements sa pelikula. Ipagawas kini sa mga sinehan sa Pilipinas sa Oktubre 7. -Ato ni Bai