Pacquiao sa pagdawat og doctorate: Your beginning does not define your destination

Nakadawat si Manny Pacquiao og honorary doctorate gikan sa Philippine Normal University (PNU) niadtong Setyembre 16. Ang kanhi senator ug eight-division world boxing champion maoy gipasidunggan sa university.

Gihatagan ang 47-anyos og degree nga Doctor in Physical Education and Sports, Honoris Causa, atol sa seremonya nga gihimo dungan sa pagsaulog sa ika-125 founding anniversary sa PNU.

“In recognition of his outstanding achievements in sports and his notable contributions to the development of national pride, the Philippine Normal University has formally conferred the first-ever Doctor of Physical Education and Sports, Honoris Causa, to Hon. Emmanuel ‘Manny’ Pacquiao,” matod sa university sa usa ka statement.

Aduna usab espesyal nga musical tribute alang kang Pacquiao atol sa seremonya. Gipasundayag sa PNU Choral ang iyang awit nga “Para Sa ’Yo Ang Laban Na ’To,” ug gihatagan siya og original sheet music arrangement sa maong awit isip pasalamat gikan sa university community.

Nanumpa si Pacquiao isip honorary alumnus sa PNU, nga gipangulohan ni Dr. Ponciano Menguito, vice president sa PNU Alumni Association, Inc. Human sa seremonya, nakig-uban siya sa mga miyembro sa university community ug uban pang stakeholders.

Human niini, mipahayag si Pacquiao sa social media sa iyang pasalamat sa maong pasidungog.

“What a blessing and a very humbling moment. Thank you to the Philippine Normal University for conferring upon me the degree of Doctor in Physical Education and Sports, Honoris Causa.”

Giawhag usab ni Pacquiao ang mga batan-on nga padayon nga maningkamot nga makab-ot ang ilang mga damgo bisan unsa pa ang ilang sinugdanan sa kinabuhi.

“To all the young people who have big dreams, keep going. Your beginning does not have to define your destination. And when success comes, make it more meaningful by using it to lift others.”

Gitapos niya ang iyang mensahe pinaagi sa pagpasalamat sa university sa mainitong pag-abiabi ug espesyal nga pasidungog.

Mitambong si Pacquiao sa seremonya uban sa iyang asawa nga si Jinkee, nga mipahayag usab sa iyang kalipay ug garbo sa nadawat nga pasidungog sa iyang bana.

Sa usa ka Instagram post, gipaambit usab ni Jinkee ang mga hulagway gikan sa awarding ceremony ug misulat, “Doctor in Physical Education & Sports. I'm so incredibly proud of you, Sec. @mannypacquiao.”

Nadawat ni Pacquiao ang honorary doctorate samtang nagsugod usab siya og laing tahas sa public service. Bag-o lang siyang gitudlo isip Secretary ug Lead Convenor sa National Anti-Poverty Commission (NAPC).

-Ato ni Bai