Nepal, nagsaulog sa Tihar festival isip pagpasidungog sa mga iro
Gipasidunggan ang mga iro sa usa ka seremonya sa Kathmandu, Nepal, niadtong Domingo, Nobyembre 8, diin gibutangan sila sa mga miyembro sa Armed Police Force og mga talulot sa bulak ug hayag nga orange nga mga garland sa ilang liog. Bahin kini sa pagsaulog sa usa ka Hindu festival nga naghatag og importansya sa pagkamaunongon sa mga iro ngadto sa mga tawo.
Reuters / Paraluman News; Gihubad ni Herli Mae Virador / Ato Ni Bai
November 8, 2026 at 11:11:58 AM
Gihatagan og pagkaon ang usa ka iro samtang gipurongan kini og bulak sa usa ka miyembro sa Nepal's Armed Police Force atol sa Kukur Tihar, usa ka selebrasyon sa mga iro nga kabahin sa Tihar, ang tawag sa Diwali sa Nepal, sa Kathmandu, Nepal, Nobyembre 8, 2026.
Reuters / Navesh Chitrakar
Gipasidunggan ang mga iro sa usa ka seremonya sa Kathmandu, Nepal, niadtong Domingo, Nobyembre 8, diin gibutangan sila sa mga miyembro sa Armed Police Force og mga talulot sa bulak ug hayag nga orange nga mga garland sa ilang liog. Bahin kini sa pagsaulog sa usa ka Hindu festival nga naghatag og importansya sa pagkamaunongon sa mga iro ngadto sa mga tawo.
Ang maong selebrasyon, nga nailhan usab nga “Kukur Tihar” o pista sa mga iro, gihimo sa ikaduhang adlaw sa lima ka adlaw nga Hindu festival nga gipahinungod sa mga mananap nga adunay kalabotan kang Yamaraj, ang diyos sa kamatayon ug hustisya.
“Giisip namo ang mga iro nga mga mensahero ni Yamaraj, ang diyos sa kamatayon, ug isip representasyon usab sa Diyos. Karong adlawa, among gipasidunggan ang mga iro isip pagpasalamat sa ilang talagsaong trabaho sa tibuok tuig. Espesyal kini nga adlaw alang kanila, ug among gihimo kini aron malipay sila ug mapakita ang among gugma ug respeto kanila,” matod ni Ramesh Pokhrel, usa ka opisyal sa Armed Police Force.
Nagpasundayag usab ang mga miyembro sa Armed Police Force kauban ang mga iro isip bahin sa seremonya aron ipakita ang espesyal nga relasyon tali sa mga tawo ug mga iro.
Sa tibuok Nepal, gisaulog sa mga tawo ang maong okasyon pinaagi sa pagpasidungog sa ilang mga binuhing iro ug bisan sa mga iro nga walay tag-iya. Panahon sa selebrasyon, giisip nga sala ang dili maayong pagtratar sa mga iro ug sa ubang mga mananap nga ilang gipasidunggan.
-
%20(100%20x%20100%20px).png)
