Mga Pet Owner sa Japan Migamit og Cooling Vest nga Adunay Fan Batok sa Grabeng Kainit

Naghatag og bag-ong solusyon ang usa ka clothing maker sa Japan batok sa grabeng kainit sa ting-init nga dili lamang peligroso sa tawo kondili mahimo usab makamatay sa mga iro ug iring — usa ka sinina nga adunay fan.

Gikuhaan og ideya gikan sa air-conditioned vests nga gisul-ob sa mga construction worker sa Japan, naghimo ang usa ka maternity-wear manufacturer sa Tokyo og cooling jacket aron matabangan ang mga pet owner nga mapanalipdan ang ilang mga iro ug iring batok sa heatstroke.

Sulod sa sinina, duha ka fan nga naggamit og baterya ang mosuyop og hangin, nga pabugnawon pinaagi sa ice pack sa collar sa dili pa kini motuyok sulod sa sinina ug mogawas sa liog ug mga tiil aron mabugnawan ang tibuok lawas.

“Since it uses natural air circulation, it doesn’t make the dog feel sick, which is nice. Even the tummy area gets cooled down too,” matod sa 36-anyos nga pet owner nga si Harumi Wakabayashi atol sa pagsulay sa sinina sa Tokyo niadtong Miyerkules (Agosto 19).

Karong ting-init, daghang siyudad sa Japan ang nakatala og temperatura nga milapas sa 40 degrees Celsius (104 Fahrenheit), nga gihulagway sa gobyerno isip hilabihan kainit nga adlaw, nga lokal nga gitawag og ‘Kokushobi’.

“I have never lived in a hotter country than here. It is very dangerous even for us humans, and for dogs who cannot sweat like us, it’s even worse,” matod ni Masha Togo, tag-iya sa lima ka tuig nga Dachshund nga si ‘Momo’, kinsa midugang nga iyang gilikayan ang paglakaw-lakaw uban kang Momo panahon sa adlaw.

Miingon si Hikaru Uzawa, director sa Sweet Mommy, ang kompanya nga naghimo sa maong preskong sinina, nga gihimo ang disenyo uban sa suod nga pakigtambayayong sa mga veterinarian.

“Vets told us that dogs are just like humans - the most effective way to cool them down is by targeting the areas where major blood vessels run… That’s why we designed this product to focus on cooling those key areas,” matod niya.

Ang pinakabag-ong bersyon — diin mahimong butangan sa mga pet owner og ice pack aron adunay ‘air-conditioned’ effect — adunay upat ka sukod ug nagkantidad og 16,500 yen ($104) matag usa. Sikat kaayo ang maong sinina alang sa mga pet sukad gilunsad ang unang serye niini niadtong 2022, ug hapit 10,000 ka unit na ang nabaligya.

“Climate change is becoming more severe not just in Japan, but globally. Because of that, I think pet owners really need to think about solutions to keep their dogs and cats comfortable,” matod ni Uzawa. -Ato ni Bai