Mga Lalaki sa Japan Nagpatangtang og Balahibo Tungod sa Grabeng Kainit

Misaka ang panginahanglan sa body hair removal karong ting-init sa usa ka men’s grooming clinic sa Japan, diin nagkalisod na og kuha og appointment tungod sa kadaghan sa mga lalaking gustong magpatangtang og balahibo aron mamenosan ang kahasol sa grabeng kainit.

“When I was thinking about what to start with, hair removal felt like the most obvious, visible choice,” matod ni Yuki Kubo, usa ka 24-anyos nga office worker nga nagsul-ob og safety glasses alang sa ikaupat niyang treatment sa mga tiil sa usa ka clinic sa Japanese capital.

Miingon siya nga ang pagpatangtang og balahibo usa sa ilang New Year’s resolution uban sa iyang mga higala, apan ang pagkahapsay sa panit human niini nakapabati ug nakapakita kaniya nga mas limpyo, gawas nga nawala usab ang kahasol tungod sa singot.

Ang facial hair removal kaniadto maoy pinakapangita nga treatment sa Gorilla Clinic, nga adunay 23 ka branch sa tibuok nasud, apan misaka na usab ang panginahanglan sa pagtangtang og balahibo sa ubang bahin sa lawas, matod ni Hiroyuki Ota, director sa branch niini sa Ginza district sa Tokyo.

Nagkadaghan ang mosunod sa maong uso samtang mas daghang Japanese nga lalaki ang dili na magduha-duha sa pagsul-ob og shorts, nga kaniadto giisip nga angay lamang sa mga bata o sa beach.

Taliwala sa rekord nga kainit sa ting-init, gipalapad pa gani sa Tokyo metropolitan government karong tuiga ang dugay na nitong no-tie, no-jacket nga “Cool Biz” initiative pinaagi sa pagdasig sa mga empleyado nga magsul-ob og mas gaan nga sinina aron makasugakod sa kainit ug makadaginot og enerhiya.

Nagkainit pag-ayo ang mga ting-init sa Japan sa bag-ohay nga mga tuig, diin ang temperatura miabot sa rekord nga 41.8 degrees Celsius (107.24 degrees Fahrenheit) niaging tuig.

Miingon ang Hot Pepper Beauty, ang kinadak-ang online booking ug review platform sa Japan nga nakatutok sa beauty services, nga kapin gamay sa ikaupat nga bahin sa mga lalaking ilang gi-survey karong tuiga ang nagpatangtang og balahibo sa ubos nga bahin sa tiil sulod sa miaging 12 ka bulan.

Tungod sa maong kadaghan sa nangita sa serbisyo, mas lisod na makakuha og appointment sa Ginza clinic, matod ni Ota, nga midugang, “It was rare for appointment slots to fill up completely when the clinic first opened 11 years ago.” -Ato ni Bai