Mga anak ni Prince Harry mobalhin og eskwelahan tungod sa seguridad

Mobalhin og eskwelahan ang mga anak ni Britain’s Prince Harry ug sa iyang asawa nga si Meghan human sa duha lamang ka adlaw tungod sa kabalaka sa seguridad sa paghatod kanila, matod sa spokesperson sa magtiayon niadtong Lunes.

Mibalhin balik sa Britain si Harry, ang manghod nga anak ni King Charles, ug ang iyang pamilya niaging bulan human sa unom ka tuig nga pagpuyo sa California, diin nagsugod og eskwela niadtong Setyembre sila Prince Archie, 7, ug Princess Lilibet, 5.

Gipabiling pribado ang lokasyon sa ilang bag-ong balay ug mga detalye sa eskwelahan sa mga bata. Apan niadtong Lunes, gikumpirma sa spokesperson sa magtiayon, ang Duke and Duchess of Sussex, ang mga report nga mobalhin og eskwelahan sila Archie ug Lilibet human sa duha lamang ka adlaw.

Nakapabalaka sa ilang security team ang gilay-on tali sa ilang balay ug sa unang eskwelahan, lakip ang grabeng trapiko sa lugar.

“The decision for the children to move school was taken following a discussion with the family’s security team about the practicalities of their current arrangements,” matod sa spokesperson.

“The parents remain extremely grateful to all the teachers and staff for the love, care and effort they have shown their family. This decision should in no way be interpreted as a reflection on the school or the exceptional care the children have received there.”

Mibiya ang magtiayon sa ilang royal duties ug mibalhin sa U.S. niadtong 2020, nga misangpot sa pagkabugnaw ug dili maayong relasyon sa royal family samtang nagpagawas sila og sunod-sunod nga hait nga mga pahayag bahin sa institusyon.

Nakapatingala ang ilang pagbalik, diin bisan ang monarch wala mahibalo sa ilang mga plano hangtod pipila lamang ka adlaw sa wala pa kini nahimong publiko.

Wala nagpuyo sila Harry ug Meghan sa usa ka royal residence ug magpabilin silang non-working royals, sumala sa ilang kasabotan sa namatay nga si Queen Elizabeth sa wala pa sila mibalhin.

Gikumpirma ang ilang status isip private citizens pinaagi sa usa ka sulat nga gitugotan ni Charles ug gipadala ngadto sa senior British officials niaging semana, usa ka lakang nga matod sa ilang spokesperson nakapatingala sila Harry ug Meghan.

Gisaway usab sa prinsipe ang desisyon sa gobyerno nga tangtangon ang automatic police protection alang kaniya ug sa iyang pamilya nga gihatag sa ubang senior royals, ug gipulihan kini og lahi nga sistema nga espesipikong gihimo alang kanila.

Gisusi karon sa usa ka government committee ang seguridad ni Harry, ug gikumpirma sa spokesperson sa magtiayon nga gisusi usab pag-usab ang kahimtang ni Meghan sa unang higayon sukad mibiya sila sa Britain. -Ato ni Bai