top of page
Bai (150 x 150 px) (100 x 100 px).png

Mensahe ni Russell Brand Gikan sa Prisohan Giimbestigahan sa UK

Gisusi sa mga awtoridad sa Britain kung gilapas ba sa komedyanteng si Russell Brand, nga napamatud-ang sad-an sa rape, ang mga lagda nga nagdili sa mga piniriso sa pagpagawas og mga pahayag nga mahimong makahatag og kasakit sa mga biktima, matod sa tigpamaba sa Prime Minister niadtong Lunes.

Reuters; Gihubad ni Alex Destor / Ato ni Bai

November 17, 2026 at 11:17:31 AM

British actor Russell Brand arrives at Southwark Crown Court for his rape and sexual assault trial in London.

British actor and comedian Russell Brand arrives at Southwark Crown Court as the defense case is expected to begin in his trial on charges of rape and sexual assault involving six women between 1999 and 2009, which he denies, in London, Britain, October 28, 2026.

Reuters / Toby Shepheard

Gisusi sa mga awtoridad sa Britain kung gilapas ba sa komedyanteng si Russell Brand, nga napamatud-ang sad-an sa rape, ang mga lagda nga nagdili sa mga piniriso sa pagpagawas og mga pahayag nga mahimong makahatag og kasakit sa mga biktima, matod sa tigpamaba sa Prime Minister niadtong Lunes.


Gipangutana ang tigpamaba ni Prime Minister Andy Burnham bahin sa mga komento sa asawa ni Brand nga si Laura sa usa ka YouTube podcast, diin gibasa niya ang pahayag sa iyang bana nga nag-ingong inosente siya.


"This is clearly appalling and is being urgently investigated," matod sa tigpamaba.


"Prisoners are strictly banned from making statements that cause distress to victims, and speaking to the media is only permitted in exceptional circumstances."


Matod sa tigpamaba, adunay himuong aksyon kung mapamatud-an nga gilapas ni Brand ang mga lagda. Giklaro usab niya nga dili mahimong likayan sa mga piniriso ang maong mga lagda pinaagi sa paghangyo sa laing tawo nga mobasa sa ilang mga pahayag.


Si Brand, nga kaniadto usa sa labing iladong mga broadcaster sa Britain ug nakabida usab sa pipila ka mga pelikula sa Hollywood, napamatud-ang sad-an sayong bahin ning bulana sa paglugos sa usa ka babaye ug seksuwal nga pag-abuso sa tulo pa ka babaye. Gisentensiyahan siya og 10 ug tunga ka tuig nga pagkabilanggo.


Matod sa iyang asawa nga si Laura sa podcast, mao kini ang mensahe ni Brand gikan sa prisohan alang sa mga tumatan-aw: "As you know I am not guilty for the offences I have been jailed for."


Gipahibalo sa British police niadtong miaging semana nga gisusi sa mga imbestigador ang pipila ka bag-ong mga report bahin kang Brand. Ang 51-anyos nga kanhing bana sa American pop singer nga si Katy Perry milimod sa tanang kaso ug miingon nga wala gayod siya makighilawas nga walay pagtugot sa laing tawo. -Reuters; Gihubad ni Alex Destor / Ato ni Bai

bottom of page