Mara Sisters, unang nag-uban sa screen sa pelikula ni Herzog

Miingon ang managsuong Rooney ug Kate Mara nga ang ilang daghang tuig nga mga kasinatian isip managsoon nakatabang kanila sa usa ka talagsaong hagit sa pag-arte: ang pagsulti nga hingpit nga dungan alang sa “Bucking Fastard” ni Werner Herzog, nga gipasalida sa Venice Film Festival niadtong Huwebes.

Sa pelikula, nga giinspirar sa tinuod nga British twins, gidala sa Mara sisters ang papel nila Jean ug Joan Holbrooke, nga tungod sa ilang talagsaong pagkasuod, hingpit nga dungan magsulti, pareho og mga damgo, ug nahigugma sa samang lalaki.

Kini ang unang higayon nga nag-uban sa pag-arte sa screen ang duha ka managsoon.

“We had two weeks of rehearsal set up and me and Kate were together before that because we were quite nervous,” matod ni Rooney Mara ngadto sa Reuters.

Apan matod ni Herzog, nakadayeg kaayo siya sa iyang nakita mao nga gipamub-an niya ngadto sa lima lamang ka adlaw ang rehearsal period.

“I said, ‘No more. I’m completely confident it’s going to be wonderful. Stop this, shut up, we’ll meet in Ireland in front of my camera’,” matod niya ngadto sa Reuters.

“It’s unprecedented what they are doing. We have not seen anything like this in film history, and I doubt that we will see anything like this in the foreseeable future again,” dugang niya.

DUNGAN NGA PAG-ARTE SAMA SA MUSIKA

Miingon si Rooney Mara, nga labing nailhan sa iyang mga papel sa “The Social Network” ug “The Girl With the Dragon Tattoo,” nga ang taas nilang panahon nga nag-uban nakahatag kanila og natural nga pagsinabtanay nga dali nilang nagamit dihang nagsugod na ang pagkuha sa mga eksena.

“There was just an unspoken world between us that we didn’t have to work very hard to create at all. I’ve never laughed so much, it was a very once-in-a-lifetime, unique experience.”

Miingon si Kate Mara, nga nailhan usab sa “House of Cards” ug “24”, nga ang ilang dungan nga pagsulti “felt almost like a song”.

Gipakita sa pelikula ang duha ka managsoon nga nahigugma sa samang lalaki, nga gidala ni Orlando Bloom. Dihang gibiyaan niya ang managsoon alang sa laing babaye, napugos siyang mokuha og restraining order aron mapanalipdan ang iyang kaugalingon gikan sa ilang kasuko.

Matod ni Bloom ngadto sa Reuters, talagsaon ang pagbati sa pag-arte kauban sa duha. “They were almost like they were breathing together, dreaming together, loving together, thinking together,” matod niya.

“The movie feels like a poem, and they were the central focus that we were kind of marvelling at.”

Dili bag-o si Herzog sa Venice. Ang bantog nga German director, kansang mga pelikula naglakip sa “Aguirre, the Wrath of God”, “Fitzcarraldo” ug “Grizzly Man”, unang nagpasalida sa “Scream of Stone” sa festival niadtong 1991 ug makadaghang higayon nang mibalik sukad niadto dala ang fiction films ug documentaries.

Ang “Bucking Fastard” usa sa 21 ka pelikula nga nagkompetensya alang sa Golden Lion award sa Venice, nga ihatag sa Setyembre 12. -Ato ni Bai