Kamatayon ni Dolly Parton, Abi’g Bakak sa Iyang Tribute Artist

Abi ni Brooke McMullen, usa ka tribute artist ni Dolly Parton, nga bakak lamang ang balita sa dihang nakamata siya ug nakadawat og mga mensahe bahin sa pagkamatay sa country music star.

Dili gayod mamatay si Dolly. Si Parton “one of those people that you just think is going to be around forever,” matod ni McMullen gikan sa Brisbane, Australia. “Her loss is huge.”

Mibati usab sa samang kakurat ang mga fans sa nagkalainlaing kontinente, gikan sa mga prime minister hangtod sa mga pop star, ug gibahaan nila ang social media og mga mensahe sa kasubo ug paghigugma.

Kabahin sa pagkamadanihon ni Parton ang mga istorya nga iyang gisugilon pinaagi sa iyang mga kanta, matod ni McMullen, nga nagdala sa iyang pasundayag isip tribute artist sa nagkalainlaing dapit sa Australia.

“All of her stories are real life and you can connect,” dugang niya.

“Everybody’s got at least one of the songs that they connect to, whether it be that was something that their grandmother introduced them to, whether it be they heard that at a wedding that they went to. Everybody has a Dolly Parton song.”

‘A GIANT OF AN ARTIST,’ MATOD NI ELTON JOHN

Miingon ang mga fans nga talagsaon ang abilidad ni Parton sa pagdani sa mga tawo bisan nagkalainlain ang ilang politikanhong baruganan, edad, sekso ug kultura.

“Your songs taught us to fall in love and how to express,” gisulat sa X ni Bobi Wine, ang nadestiyerong lider sa oposisyon sa Uganda. “We will always love you,” dugang pa niya.

Gitawag sa bantogang British pop singer nga si Elton John si Parton nga “giant of an artist” nga adunay labing malulot nga kasingkasing.

“It is hard to imagine living in a world without Dolly,” gisulat ni Paul McCartney. Matod niya, walay makatupong sa pagsulat og kanta, pag-awit ug mga buhat sa pagtabang ni Parton sa kalibotan sa country music.

Sa Japan, diin kausa lamang nagpahigayon og mga pasundayag si Parton niadtong 1979, naghatag og pasidungog ang mga personalidad sa musika.

Miingon si Seiji Kameda, usa ka iladong producer sa musika ug bassist sa rock band nga Tokyo Jihen, nga nadani na siya sa tingog ni Parton sukad sa iyang unang tuig sa junior high school.

“Her voice shone like the sun and will endure forever. Rest in peace,” gisulat niya sa X.

‘SHE LIVED LOUDLY,’ MATOD SA PRIME MINISTER SA AUSTRALIA

Gidayeg sa mga politiko ang iyang mga natampo sa katilingban ingon man sa musika.

“I was a huge fan of what Dolly did around literacy around the world,” matod ni British Prime Minister Andy Burnham sa mga reporter.

Miingon si Australian Prime Minister Anthony Albanese nga dako kaayo ang nahimo ni Parton pinaagi sa pagpasiugda sa edukasyon ug paghatag og pondo sa mga ospital, ug daghan sa iyang nasod ang maguol sa iyang pagkawala.

“She lived loudly, and she lived a great life, and she’ll be much missed,” matod niya sa mga reporter.

Miingon si McMullen nga adunay nakatakda niyang pasundayag karong weekend, apan dili pa siya sigurado kon unsaon niya kini pag-atubang.

Kanunay nga espesyal nga higayon alang kaniya ang pagsul-ob sa wig ug sinaw nga sinina nga sama kang Dolly Parton alang sa iyang mga pasundayag.

“I don’t look like Dolly Parton just sitting here,” matod ni McMullen.

“But it’s as soon as you put on all of that and you know, step out onto the stage and everybody is so excited because they just adore Dolly.” -Ato ni Bai