top of page
Bai (150 x 150 px) (100 x 100 px).png

Jay-Z Manguna sa Super Bowl Halftime Show sa Pebrero 2027

Manguna si Jay-Z sa Super Bowl halftime show sa Pebrero 2027, sumala sa gipahibalo sa National Football League (NFL) niadtong Lunes, Oktubre 26.

Reuters; Gihubad ni Alex Destor, Ato ni Bai

October 28, 2026 at 8:28:59 AM

Jay-Z attends the premiere of his HBO documentary series at the Metropolitan Opera House in New York City.

September 13, 2026, New York, New York, USA: JAY Z attends the World Premiere of his HBO original documentary series, Jay Z in 8 at the Metropolitan Opera House in New York. 13 September 2026

Eric Acquaye / ZUMA Press Wire

Manguna si Jay-Z sa Super Bowl halftime show sa Pebrero 2027, sumala sa gipahibalo sa National Football League (NFL) niadtong Lunes, Oktubre 26.


Ang halftime show sa championship game sa NFL usa sa labing gitinguhang pasundayag sa industriya sa musika. Kasagarang molapas sa 100 milyon ang mga manan-aw niini sa telebisyon sa Estados Unidos, nga usahay mas daghan pa kaysa mga motan-aw sa mismong duwa.


Lakip sa mga bantogang artista nga nakapasundayag na sa Super Bowl ang Rolling Stones, Beyonce, Madonna, Prince, ug Bruce Springsteen. Ang Puerto Rican rapper nga si Bad Bunny ang nanguna sa halftime show sa miaging Super Bowl.


Himoon ang Super Bowl sa sunod tuig sa Pebrero 14 sa Los Angeles. Ipasalida kini sa ABC ug ESPN nga mga television network sa Walt Disney, ug mahimo usab tan-awon pinaagi sa Disney+ ug ESPN app.


Ang kompanya ni Jay-Z nga Roc Nation maoy nagdumala sa produksiyon sa Super Bowl halftime show sukad 2019. Dako usab ang iyang papel sa pagpili sa mga artistang mopasundayag matag tuig.


"For several years, we've had the privilege of working closely with Jay-Z and Roc Nation, and I've seen the extraordinary impact he has had on the Super Bowl Halftime Show," matod ni NFL Commissioner Roger Goodell sa usa ka pahayag.


"When we first reached an agreement with Roc Nation to produce the show, I had just one request: that Jay-Z take the stage himself one day, whenever the moment felt right to him."


Nailhan si Jay-Z sa iyang mga sikat nga kanta sama sa "99 Problems" ug "Hard Knock Life." Ang 56-anyos nga rapper nakigtambayayong usab sa ubang mga artista, lakip si Alicia Keys sa "Empire State of Mind" ug ang iyang asawa nga si Beyonce sa "Crazy in Love." -Reuters; Gihubad ni Alex Destor, Ato ni Bai

bottom of page