Hollywood Summer Box Office Misaka, Batan-on ug Babaye Namalik sa Sinehan

LOS ANGELES- Nagtapos ang Hollywood sa labing maayong summer niini sukad sa pandemya, samtang nagkalainlaing blockbuster, sequel ug original films ang nakadani sa mga manan-aw nga mobalik sa mga sinehan.

Nakaabot sa $4.6 billion ang halin sa mga tiket sa U.S. ug Canada gikan sa unang weekend sa Mayo hangtod Agosto 30, sumala sa measurement firm nga Rentrak.

Misaka og 26% ang halin sa tiket kumpara sa miaging summer, tungod sa mga blockbuster sama sa "Spider-Man: Brand New Day" sa Sony Pictures, "The Odyssey" sa Universal ug "Toy Story 5" sa Pixar.

Gibanabana sa mga analyst nga mahimong molapas sa $10 billion ang kinatibuk-ang box office sa 2026.

Dili gilaum nga malabwan sa summer season, nga opisyal nga matapos sa Labor Day sa Setyembre 7, ang inflation-adjusted, all-time high nga $6.8 billion nga natala niadtong 2013, sa dihang nakadani sa mga manan-aw ang mga blockbuster sama sa “Iron Man 3” ug “Despicable Me 2.”

Bisan pa, karong summer, daw adunay pelikula alang sa matag klase sa manan-aw sa mga sinehan.

Duha ka horror movies nga gihimo sa mga direktor nga nagsugod sa YouTube — “Backrooms” ug “Obsession” — ang nakadani og wala pa sukad kadaghan nga Gen-Z moviegoers. Ang “Michael,” “The Devil Wears Prada 2” ug “Scary Movie” nakadani pagbalik sa daghang babaye, samtang daghang batan-ong lalaki ang nakakita sa ilang kaugalingong mga kasinatian sa pakigbisog ni Peter Parker sa pagkahimulag sa “Spider-Man.”

“We are seeing literally every single age group, every single demographic, out in theaters,” matod ni Jim Orr, president of domestic theatrical distribution sa Universal Pictures.

Daw nakabawi na ang film industry human sa mga pagkabalda nga gipahinabo sa Covid-19 pandemic ug sa dungan nga welga sa mga writers ug actors niadtong 2023.

“The impact of the strikes on the studios was more lasting than people realized,” matod ni Michael O’Leary sa Cinema United trade group nga nagrepresentar sa mga tag-iya sa sinehan. “In the last year or so, the studios are starting to hit their stride again.”

Nakapukaw usab og interes sa 70 millimeter film ang mga pelikula sama sa “The Odyssey” ni Christopher Nolan, nga nakatampo sa record nga summer box office sa IMAX.

“The success of ‘The Odyssey’ has changed perceptions of what could work with IMAX with almost every constituency,” matod ni IMAX CEO Richard Gelfond.

MAS GAMAY NGA MGA PELIKULA

Ubos gihapon ang produksyon. Nagpagawas ang mga studio og 34 ka pelikula nga gipasalida sa daghang sinehan karong summer, duha ka pelikula nga mas daghan kaysa 2025, apan ubos gihapon sa 44 ka pelikula nga kaylap nga gipasalida niadtong 2019.

Mas daghang manan-aw ang nagpakita og interes nga motan-aw og pelikula sa opening weekend karong summer, sumala sa mga survey sa market researcher nga Enact Insight. Nahitabo kini samtang misugal ang Hollywood sa mga orihinal nga istorya imbis magsalig lamang sa pamilyar nga mga istorya ug karakter — nga nailhan nga intellectual property, o IP — ug mga sequel, usa ka pamaagi nga dugay nang gigamit sa mga studio executive.

“Hollywood turned into a sequel and IP factory,” matod ni Greg Durkin, founder ug CEO sa Enact Insight, samtang naningkamot ang industriya nga makunhuran ang peligro sa pagpondo sa dagkong-budget nga mga pelikula. Matod niya, ang labing maayong panalipod batok sa dakong kapildihan sa box office mao ang nagkalainlaing portfolio nga andam mosugal sa mga bag-ong ideya.

Nagbunga ang nagkalainlaing mga pelikula, ilabi na sa Gen Z, lakip ang mga manan-aw nga anaa sa ulahing bahin sa ilang 20s ug sayong bahin sa 30s. Kaniadto, nabalaka ang mga film executive nga basin dili na maanad sa pag-adto sa sinehan kining grupoha tungod kay mas gusto nila ang streaming ug social media.

Miingon si Tim Richards, founder ug CEO sa Vue cinema chain sa Europe, nga epektibo ang mas nagkalainlaing mga pelikula. “A lot of people had written off the Gen Zs, said they weren't interested, and they're coming back in record-breaking numbers” matod niya.

“That's a global phenomenon, and that's been really encouraging since that's our future audience.”

Miingon si Paul Dergarabedian, head of marketplace trends sa Rentrak, nga mahimong magpadayon ang kusog nga dagan sa summer hangtod sa katapusan sa tuig, diin ipasalida ang duha ka gipaabot pag-ayo nga pelikula, “Avengers: Doomsday” ug “Dune: Part Three.” Gibanabana niya nga mahimong moabot sa $10 billion ang domestic box office karong tuiga -- usa ka lebel nga wala pa niini malabwi sukad 2019.

“That’ll put to rest any idea that the movie theater is making a comeback,” matod ni Dergarabedian. “The movie theater is back.”

-Ato Ni Bai