Boracay, Coron ug El Nido nakasulod sa top 15 beaches sa kalibotan

Giapil sa luxury magazine nga Condé Nast Traveller (CNT) ang Coron, El Nido, ug Boracay sa 15 ka labing maayong baybayon sa kalibotan, diin ang Pilipinas ang bugtong nasud nga adunay tulo ka lugar sa maong listahan.

Base sa 2026 CNT Readers' Choice Awards, naa sa ikaupat nga pwesto ang Coron nga adunay score nga 93.32; ikawalo ang Boracay nga adunay 91.49; ug ikanapulo ang El Nido nga adunay 91.27.

Ang 15 ka labing maayong baybayon mao ang:

1. Veligandu Island Beach, Maldives, 97.55;

2. Mounday's Bay, Anguilla, 94.71;

3. Ao Nang Beach, Thailand, 94;

4. Coron, Philippines, 93.32;

5. Grace Bay Beach, Turks and Caicos, 93.04;

6. Mambo Beach, Curaçao, 92;

7. Pink Sands Beach, Bahamas, 91.71;

8. Boracay, Philippines, 91.49;

9. Holbox Beach, Mexico, 91.38;

10. El Nido, Philippines, 91.27;

11. Bora Bora, French Polynesia, 91.21;

12. Cas Abao Beach, Curaçao, 91.14;

13. Iztuzu Beach, Turkey, 90.82;

14. Manuel Antonio National Park, Costa Rica, 90.46; ug

15. Puerto Vallarta, Mexico, 89.79.

Giapil usab ang Palawan ug Boracay sa mga labing maayong isla sa kalibotan, diin nanguna ang Palawan sa usa sa mga listahan alang sa Asia.

Nakuha sa Palawan ang unang pwesto, nga milabaw sa Phu Quoc ug Con Dao sa Vietnam, Koh Lanta ug Phuket sa Thailand, ug Langkawi sa Malaysia. Samtang naa sa ikapito nga pwesto ang Boracay, nga gisundan sa Koh Samui sa Thailand, ug Bali ug Lombok sa Indonesia.

Kadaghanan sa maong mga destinasyon nakasulod usab sa CNT "top islands" list sa Asia, lakip ang Palawan ug Boracay. Apan sa maong listahan, ang Phu Quoc sa Vietnam ang nakakuha sa unang pwesto.

-Ato ni Bai