El Niño, mas dakong hulga sa ani sa kape sa Colombia kaysa linog

Nakaluwas ang ani sa kape sa Colombia gikan sa dakong epekto sa kusog nga linog nga miigo sa mga farming region sa kasadpang bahin sa nasod, matod sa pangulo sa National Coffee Growers Federation sa Reuters sa usa ka interview niadtong Huwebes.

Bisan pa sa lapad nga kadaot nga gipahinabo sa magnitude 7.4 nga linog, giisip sa mga coffee grower nga mas dakong hulga ang grabeng panahon tungod sa El Niño, matod sa federation head nga si German Bahamon.

“Production itself is not affected by the earthquake. Production will very likely be affected by the El Niño phenomenon,” matod ni Bahamon sa usa ka interview.

Ang El Niño usa ka panapanahong pag-init sa sea surface temperatures sa eastern Pacific nga tungod sa paghuyang sa trade winds. Miingon ang global forecasters nga nagkalig-on ang El Niño weather pattern ug posibleng mahimong kusog kaayo nga event sa ulahing bahin niining tuiga hangtod sa sayong bahin sa 2027, nga makapataas sa temperatura, makasamok sa ulan, ug makahatag og risgo sa mga tanom sa tibuok kalibotan.

Gilauman sa federation nga mokunhod og 8% ang production karong tuiga ngadto sa 12.5 million nga 60-kilogram bags, gikan sa 13.7 million bags niadtong 2025, tungod sa kusog nga ulan sa sayong bahin sa tuig ug pagsugod sa El Niño.

Mipatay og 319 ka tawo ang linog sa Colombia niadtong Agosto 10 ug nakadaot sa infrastructure sa mga probinsya nga responsable sa mga usa ka ikatulo sa ani sa nasod.

Nakita sa unang surveys ang 10,500 ka coffee-growing families sa disaster zone, diin 8,000 ang nagtaho og partial o total nga pagkaguba sa ilang mga balay ug processing facilities. Plano sa federation nga manguna sa reconstruction program kauban ang government aid, lakip ang programa sa pagpalit sa naaning coffee cherries.

Nibalik na sa normal ang exports gikan sa Buenaventura, ang pangunahing coffee port sa Colombia nga nagdumala sa 60% sa shipments, human sa temporaryong safety inspections ug road closures.

“There have been no issues with exports … They are proceeding perfectly,” matod ni Bahamon.

Ang Colombia mao ang ikatulong pinakadakong coffee producer sa kalibotan ug ang top supplier sa washed Arabica. Mga 540,000 ka pamilya ang nagsalig sa industriya, nga naglangkob sa 840,000 hectares.

Gawas sa mga kabalaka sa klima, mipasidaan si Bahamon nga ang pagkakusog sa Colombian peso — nga anaa sa pinakataas nga lebel sukad Oktubre 2018 — nagapakunhod sa kita sa mga farmer. Gibanabana niya nga ang mga grower mawad-an og 700,000 pesos ($229) matag 125-kg load tungod sa pagsaka sa bili niini batok sa dolyar. -Ato ni Bai