Dennis Trillo ug Manager ni Jennylyn Mercado Mitubag sa mga Pahayag ni Patrick Garcia

Mitubag si Dennis Trillo ug ang manager ni Jennylyn Mercado nga si Becky Aguila human sa interview ni Patrick Garcia kang Ogie Diaz, diin gihisgutan ni Patrick ang iyang kanhing relasyon kang Jennylyn, ilang panagbulag, ug mga isyu nga may kalabotan sa ilang anak nga si Alex Jazz.

“Hindi ako pabor sa bashing, pero salamat at naalala mo si Jazz dahil sa pag bash sa anak mo,” matod ni Dennis. “Spread love, not hate,” dugang niya.

Mipahayag usab si Aguila pinaagi sa iyang personal nga account, diin iyang gipasiugda nga nakigsulti siya dili lamang isip manager ni Jennylyn kondili isip iyang “second mom.”

Gipangutana ni Aguila nganong gipili ni Patrick nga hisgutan sa publiko ang maong isyu, nga matod niya mahimo unta kining idiretso kaniya.

“Why did you have to resort to an interview? Kahit wala na si Tita Lydia, andito pa naman ako. Ayokong makasakit at makasira ng image pero nasasaktan ako for Jen. Sa dami ng pagkukulang mo kay Jen lalo na kay Jazz, mas inintindi mo pa magpa interview to protect your daughter from bashers at the expense of Jen and Jazz.”

Gipahinumdoman usab ni Aguila si Patrick nga si Jennylyn ang inahan sa iyang anak ug miingon nga mahimo unta niyang tabangan nga pribadong masulbad ang iyang mga kabalaka.

“May concerns ka pala sana nag reach out ka na lang sa akin at maayos natin nailatag to with Jen and Dennis at madali naman sila kausap.”

Matod ni Aguila, daghan ang nabuhat ni Patrick nga nakapasakit kang Jennylyn, apan gipili sa aktres nga dili kini hisgutan sa publiko isip pagtahod kaniya, sa iyang pamilya, ug sa ilang anak.

“Pero lahat yun naalala ko. Pasensya na Patrick pero yung truth mo maraming kulang at dagdag. I hope nakatulong nga ito sa daughter mo. And hopefully you are satisfied with all the things you’ve done.”

Atol sa iyang interview kang Ogie, gipatin-aw ni Patrick, 45, nga nakahukom siyang mosulti tungod sa pagpanaway nga nadawat sa iyang anak nga si Michelle sa internet.

Si Michelle, nga nagbansay sa K-pop sa Singapore, nakadawat og negatibong mga komento nga may kalabotan sa nangaging relasyon ni Patrick kang Jennylyn. Matod ni Patrick, usa usab sa nakapadasig kaniya nga mosulti mao ang ilang panag-estorya sa iyang 13-anyos nga anak.

“Actually, one day, my daughter, si Michelle, went up to me and said, ‘Daddy, I’m sad. Because every time there’s good news about me, in the comment section, it’s all bashing, and they’re bashing me because of you,’” matod niya.

Bisan gusto ni Patrick nga panalipdan ang iyang anak, giila niya nga walay kasiguruhan nga mahunong ang pagpanaway ug negatibong mga komento tungod lamang sa iyang pagpahayag sa publiko.

Gawas sa pagpatin-aw nganong nakahukom siyang mosulti, gihisgutan usab ni Patrick ang iyang papel isip amahan ug miingon nga parehas ang iyang gugma sa tanan niyang mga anak.

“When it comes to fatherhood, I love all my children equally. Lahat sila mahal ko including Jazz,” matod niya.

Nagpasalamat usab si Patrick kang Dennis sa pagtuman sa papel isip amahan ni Jazz, nga dugay na niyang gitabangan sa pagpadako. Miingon usab si Patrick nga wala na niya makita ang iyang kamagulangang anak sukad niadtong 2017.

Mipagawas usab og pahayag ang ahensiya ni Jennylyn bahin sa interview, diin giingon nga dili na motubag ang aktres sa mga interview bahin sa isyu.

“Everyone is entitled to share their story on whatever platform they choose. In this case, Jennylyn would rather not share her side of the story out of respect for the privacy and peace of mind of both her family and Patrick’s,” matod sa Aguila Entertainment.

Giawhag usab sa ahensiya ang publiko nga hunongon ang pagpanaway ug pagdumot batok sa pamilya ni Patrick, ilabina sa iyang anak nga si Michelle.

Nagkauyab si Patrick ug Jennylyn hangtod 2008. Natawo usab sa maong tuig ang ilang anak nga si Jazz. Naminyo si Patrick sa iyang asawa nga wala sa showbiz nga si Nikka Martinez niadtong 2015, ug aduna silay upat ka anak.

Naminyo sila Jennylyn ug Dennis niadtong Nobyembre 2021 ug natawo ang ilang anak nga si Dylan pagkasunod tuig.

-Ato ni Bai