Caviar ug champagne: Luxury bet sa Air France nagpakita og maayong resulta

Nakatabang sa Air France ang mahal nga pagpokus niini sa luxury travel, uban sa daghang caviar ug champagne, aron makasugakod sa epekto sa Iran war, matod ni Chief Executive Ben Smith sa Reuters niadtong Biyernes.

Nag-atubang ang mga airline sa tibuok kalibotan, lakip ang parent company nga Air France-KLM AIRF.PA, sa pagsaka sa gasto sa jet fuel ug pagkabalda sa mga biyahe tungod sa hapit pito ka bulan nang Iran war, nga nagpugos sa pipila nga mokunhod sa kapasidad ug gasto.

Samtang nakasugakod ang Air France sa maong mga hagit. Gipahimuslan sa airline ang kasikat nga nahimo sa "Emily in Paris" TV show ug ang padayon nga interes sa mga turista sa fashion, pagkaon ug mga hotel sa Paris. Mas gipakusog usab niini ang premium offerings pinaagi sa pag-upgrade sa onboard menus gamit ang luxury-branded products ug dakong pagpamuhunan sa mga cabin nga pinakadako og kita.

"All the luxury brands are based in Paris. We have more Michelin-starred restaurants than anywhere in the world in Paris," matod ni Smith atol sa usa ka awards show sa London diin nakadaog ang Air France og best first-class cabin.

"So it is a very specific city. Not only is it gorgeous as a cultural location, but as a luxury city."

Ang tulo ka pinakadakong airline groups sa Europe, lakip ang British Airways owner nga IAG ICAG.L ug Lufthansa LHAG.DE, nagpakita na og redesigned first-class cabins sa bag-ohay nga mga tuig samtang ilang gitubag ang nagkadakong demand alang sa premium travel, ilabina gikan sa adunahang US passengers.

Matod ni Smith, wala mawad-i og interes ang pinakadato nga customers sa Air France bisan pa sa mas taas nga presyo. Ang pipila ka kanhing private jet users mibalhin pa gani ngadto sa first class aron malikayan ang pag-usisa nga may kalabotan sa mas taas nga emissions gikan sa private flights.

Nakita ang pagtubo sa bookings ug revenue sa premium, business ug first-class cabins karong tuiga, bisan pa nga gipataas sa Air France ang fares aron mabawi ang pagsaka sa fuel costs, matod ni Smith.

Misaka og 11% ang revenue gikan sa first-class ug premium travel, sumala sa company data. Gipamenos usab ni Smith ang mga kabalaka nga ang pagsaka sa inflation sa US mahimong makaapekto sa premium spending.

"We've raised ticket prices significantly, but no, it's quite solid. It's better than I would have expected," matod niya.

-Ato ni Bai