Amerikana nga si Lo Colby midaog sa Miss International Queen 2026, back-to-back ang US

Gikoronahan ang Amerikanang si Lo Colby isip Miss International Queen 2026 niadtong Sabado (Setyembre 19) sa usa ka kompetisyon sa Thailand nga giila isip pinakadako ug pinakapopular nga transgender pageant sa kalibotan, nga naghatag sa US og sunod-sunod nga titulo.

Gipildi ni Colby ang 26 ka ubang contestants aron makuha ang korona, samtang ang contestants gikan sa Thailand ug Japan maoy nakakuha sa ikaduha ug ikatulong pwesto.

Usa ka brand marketing operations manager, content creator, entrepreneur ug drag artist si Colby. Gipahayag niya nga determinado siyang mapalapad ang economic opportunities alang sa LGBTQIA+ community, uban sa paglaum nga mapalambo ang patas nga oportunidad alang sa tanan.

"I think I'm still in a bit of shock, I'm not gonna lie. The emotions are processing as we're standing here," matod ni Colby sa media.

Gilusad 20 ka tuig na ang milabay aron mapalambo ang pagdawat sa transgender women sa katilingban, ang kompetisyon naghiusa sa mga transgender gikan sa nagkalainlaing bahin sa kalibotan.

-Ato ni Bai