‘World record’ Star Wars collection gipakita sa Tokyo sa wala pa ang subasta

Gipakita sa usa ka exhibition sa Tokyo sa auction house nga Heritage Auctions ang lightsaber ni Darth Vader, helmet sa Mandalorian, pinirmahang trading cards, ug orihinal nga mga costume gikan sa Star Wars universe.

Ang exhibition, nga abli gikan Setyembre 18 hangtod Oktubre 27, naglakip sa mga lightsaber ug costume nga gigamit mismo sa set atol sa filming sa Star Wars series. Isubasta ang tanang items sa Nobyembre, diin naglaum ang mga organizer nga makabuak og mga rekord sa halin sa memorabilia gikan sa sikat nga franchise.

“This is more than a lightsaber, this was used by Darth Vader in ‘Empire Strikes Back’ and ‘Return of the Jedi’,” matod ni Joe Maddalena, collectibles expert ug executive vice president sa auction organizer nga Heritage Capital.

“The last time this sold at auction was $3.6 million. We’re selling it again this November and hopefully it’ll break another world record,” matod niya.

Lakip sa talagsaong mga item nga gipakita, gipili ni Maddalena isip personal niyang paborito ang lightsaber nga gigamit sa actor nga si Ray Park sa iyang pagdala sa kontrabida nga si Darth Maul sa Star Wars Episode I: The Phantom Menace.

“These are the actual fighting blades, you can see the marks where he’s fighting a Jedi and they’re whacking each other,” matod niya.

Gipakita usab sa pre-sale exhibition ang mga costume ug props gikan sa production sa AMC zombie drama nga The Walking Dead, ingon man ang pipila ka talagsaong Pokemon cards ug karaang video games. -Ato ni Bai